[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PULIS NATIROHAN SANG ASAWA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Thursday, February 23, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Aksidente nga natirohan sang asawa ang nagmaoy niya nga bana nga pulis mga alas-12:45 ang takna sang kaagahon kahapon sa Sto. Rosario Heights, Syudad sang Dumaguete.
Ginkilala ang biktima nga si PO3 Jay Jardinico, 34. Naigu ini sa lawas nga gintunaan sang iya kamatayon sang gindala sa Holy Child Hospital sa amo man nga syudad.
Sunu naman sa pahayag sang asawa nga si Kenya Lucite Jardinico, 33, indi niya hungod nga tiruhon ang iya bana, kundi ginpahog lang niya nga tiruhon apang aksidente nga napitik niya ang gatilyo.
Sunu sa imbestigasyon sang Dumaguete City Police Office, mga alas-10 sang gab-i sang Martes hubog na ang bana kag sa kina-andan nagamaoy ini. Didto kag nag-away ang mag-asawa.
Sang ulihi, nag-gwa ang biktima agud mag-inom pa gid kag nagbalik mga pasado na alas-12 sang kaagahon. Pag-abot sini sa ila balay, ginpuersa niya buksan ang gate kag ginahaboy sang bato.
Didto kag ginkuha sang asawa ang armas sang bana nga .9mm sa salakyan sa ila garahe kag gintaya sa bana apang aksidente nga naglupok.
Gilayon man nga nagsungka sa mga otoridad ang asawa tapos sang insidente./PB
[/av_textblock]
[/av_one_full]
