[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pari ginyawyaw sang kapitan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Tuesday, May 9, 2017
[/av_textblock]
[av_textblock size=” font_color=” color=”]
Syudad sang ILOILO – Gin-aku ni Libertad, Lapuz Punong Barangay Sumakwel Nava nga ginyawyaw niya sa public address system si Fr. Rafael Clavel sang Our Lady of Fatima Parish sa Bo. Obrero.
Bangod ini sang magahod nga trompa sang simbahan alas-cinco pa lamang sang tagsa ka aga. Sunu kay Nava, ginpakadtoan niya ang pari agud hinyuon sang iya mga kagawad apang sa baylo ginyawyaw sila sini sa iya misa.
“Nagareklamo na ang mga pumoluyo kay aga pa magahod na ang trompa. Ginpakadtoan ko sia sa akon tatlo ka kagawad pero sa baylo sa misa niya kami ginsermonan,” pahayag ni Nava sa iya interbyu sa RMN Iloilo.
Ginpanindugan pa sang kapitan nga indi makatulog ang iya mga residente bangod sang magahod nga trompa kag apektado ang mga call center agents nga naga-istar sa ila lugar. Ginpahayag pa niya nga ginreklamo man niya ang masami nga pagpakolekta ni Clavel sa misa nga makabig pagpangilkil sa makaluluoy nga mga drayber sang traysikad kag traysikol subongman mga imol nga residente.
Sa pihak nga bahin, gin-athag ni Clavel nga mismo ang mga residente ang nagaayo nga patunogan ang trompa. Panindugan niya nga wala sang reklamo ang mga residente kundi nagapangayo lang sang atensyon si Nava.
“Wala gid ako feedback sa mga parokyano. Ang akon feedback gusto nila nga patunogan. Pero wala ko ina ginpatunogan. Ang mga sakristan ang naga-operate sina. Halin sang una amo na ina ang tukar pati ang bagting sang lingganay,” paathag ni Clavel sa RMN Iloilo.
Ginpanginwala man niya ang mga alegasyon sang anomaliya ni Nava. Kag siling sini nga nagakahangawa sia nga makigkita personal kay Nava bangod base sakiton sia.
Matandaan nga nagpatindog man sang iya trompa si Nava agud dunganan ang misa ni Clavel kon aga nga nagatuga sang gahod./PB
[/av_textblock]
[/av_one_full]
