[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Solterito ginbunu-patay sa Cauayan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang 17-anyos nga solterito sang ginbunu sang talibong samtang nagakatulog sa payag sa Purok 2, Brgy. Abaca, Cauayan, Negros Occidental.
Ang biktima nga si Eduardo Layan, Jr., residente sang amo nga barangay, may igu sa tiyan.
Sunu pa sa mga pulis nga ginpalusot sang suspek ang talibong sa dingding sang payag sa diin nagakatulog ang biktima bangod sa kakapoy matapos sila nga nag-arado sang Lunes.
Sandig pa sa report nga sadtong Lunes nag-arado ang biktima kaupod ang iya mga pakaisa nga sanday Rene Boy kag Ronilo Sabanal. Sang ginkapoy sila, naghigda sila sa payag kag natulogan.
Sang hinali lamang, sunu naman kay Edelyn, may asod-asod nga mga lupok nga nabatian nga puntariya amo ang payag. May nagsinggit dayon nga maggwa na sila sa payag kag malagyo.
Apang ang biktima wala makagwa bangod posible sa kakapoy nga natulogan nga nagasandig sa dingding sang payag.
Apisar naman nakapalagyo sanday Rene Boy kag Ronilo, napilasan pa ang nauna paagi sa pagtiro.
Sunu naman kay Cauayan PNP chief Chief Inspector Gary Alan Resuma, ginpasakaan na sang kaso nga murder kag frustrated murder ang apat ka mga suspek nga sanday Wilfredo Sabanal nga pakaisa man nanday Rene Boy kag Ronilo; Roel kag Joel Cardiente; kag Jovito Almania.
Konplikto sa duta ang ginatan-aw nga rason sang krimen sang kapulisan./PB
[/av_textblock]
[/av_one_full]
