[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Ngaa gin-postpone ang
barangay, SK elections?
ANG pag-postpone sang eleksyon sang mga barangay kag SK officials sa Mayo 2018 (sa lugar sang Oktubre 2018, nga amo ang orihinal nga bulan sang pagboto), gin-aprubahan na sang Kongreso kag ni Presidente Rodrigo Duterte.
In fact, ikaduha na ini nga pag-postpone sining eleksyon. Ang una sadtong Oktubre 2016.
Ano bala ang rason kon ngaa kinahanglan ta gid lubagon ang panugyan sang Konstitusyon sang indi lang kis-a kundi kaduha gid ka beses?
Sugot bala ang aton pumuluyo sini? Sa nahibal-an ta daw wala man sang bisan survey lang nga nagapakita nga sugot sini ang mga pumuluyo.
Sagrado ang panugyan sang Konstitusyon nga indi dapat daw ginahampangan ta lang. Dapat nga may daku gid nga rason agud lubagon ang ano man nga panugyan sang Konstitusyon, labi na gid kon eleksyon ang hambalan nga nagapaseguro sang padayon nga pag-functionar sang aton demokrasya nga indi magamhan sang pagusto lang sang kon sin-o man ukon grupo, lakip na ang Kongreso kag ang Presidente.
Nga daan daku ang nagasto na naton para sa pag-postpone sang Oktubre 2016 nga eleksyon kag sang pag-postpone naman sini sang Oktubre 2017.
Sunu kay Comelec chairman Andres Bautista, mga Php200 ka milyon nga kwarta ang nagasto sang mga pumuluyo sa pagpa-postpone lang sini sadtong Oktubre 16.
Sa pag-postpone naman sini sadtong Oktubre 2017, sunu kay Cebu Congressman Raul del Mar, mga Php500 ka milyon naman ang nagasto sang mga pumuluyo.
Ini tanan, nga mga Php700 ka milyon, kuntani nagamit pa sa madamo nga proyekto para sa pumuluyo. Apang ginpasulabi ang pagpa-postpone sining barangay kag SK elections, indi lang kis-a kundi kaduha gid ka beses.
Sa napamangkot na naton sa ibabaw: Ngaa? Sa ano gid bala ka-importante nga bagay nga himuon ini sang gobyerno?
Ang ginsiling nga rason sang gobyerno amo nga basi gamiton ang kwarta nga halin sa ilegal nga droga agud padag-on ang mga kandidato sa barangay nga suportado sang mga druglord kag sang ila mga kaugyon.
Pensar ko anay kumbinsido na ang mga pumuluyo sa pag-upod sa War on Drugs ni Presidente Duterte. Kag, tungod sini, bisan ang kwarta sang mga druglord indi na makapadaog sang ila kandidato.
Ano naman ayhan ang implikasyon sining pag-postpone sang barangay kag SK elections? Maathag! Kay tapos na ang termino sang mga barangay officials sa Oktubre 2017, puede ina sila maislan sang naluyagan sang administrasyon. Fuera lang seguro sa mga barangay officials nga naka-upod na sa pag-sumpa sa partido sang administrasyon, ang PDP-Laban.
Paano kon ining katapo na sang PDP-Laban nadagtaan man sang higko sang ilegal nga droga? Bastante na bala nga sila mag-pangako nga indi na sila magliwat kag mag-suporta na sa War on Drugs sang gobyerno?
Ti, kamusta ya ang wala magsumpa sa PDP-Laban? Ma- suspetsuhan bala sila nga kontra sa gyera sa droga kag mag-antos sang consequencia sining pagka-suspetso sa ila kag basta na lang pang-islan sila?
Ano abe kon supportado nila ang kontra partido, katulad sang Liberal Party, ukon luyag lang nila mangin-independiente? Kinamatrong man nila ina kon ano man ang ila tindug, indi bala?
Demokrasya man bala ini, kag kinamatarong sang iban agud mag-rehistro sang ila indi pag-kumpormi? #
[/av_textblock]
[/av_one_full]
