[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Ang Sigma Rho Fraternity kontra sa ‘hazing’
SANG sini lang, isa ka law student, si Horacio Castillo III sang Aegis Juris Fraternity, ang napatay tungod sa gin-alegar nga “hazing” sa tion sang ila final initiation rite sa Metro Manila.
Nagpukaw ini sang masingki nga balatyagon sang mga otoridad kag mga ginikanan, lakip na sang publiko nga indi makapati nga matabo pa ini liwat tungod may istrikto nga Anti-Hazing Law na kita.
Ang Anti-Hazing Law, ukon ang Republic Act 8049 of 1995, naga-“regulate” sang initiation rite ukon practice nga naga-subject sa pagtilaw sang kabakud pisikal kag sikolohikal sang isa ka recruit ukon aplikante sa pagsulod sa isa ka campus fraternity ukon sorority, ukon iban pa nga organisasyon, lakip ang iya sang mga militar kag kapulisan.
Matuod may maayo nga intensyon ining “tuman nga pagpaantos” sa mga recruit sang mga fraternity, nga ila sang mga lalake, kag sang mga sorority, nga ila sang mga babaye.
In fact, ginsunod man lang ini sang mga estudyante sa practice sang mga soldado sa tion sang gyera agud pabakuron ang ila ikasarang sa pag-antos kag sang mga monghe agud pabakuron ang ila ispiritwal nga kabuhi.
Apang admitido na sang tanan sa karon ang malain nga consequencia sang “hazing” tungod sa kapalpakan sang pagpatigayon sining practice nga nag-resulta sa pagka-ospital kag kamatayon sang pila ka recruit.
Tungod sini, madamo na nga mga fraternity kag sorority, lakip ang Sigma Rho, sa diin katapo ako, halin sa mother chapter sa UP-Diliman tubtub sa iban nga tsapter sini sa Visayas kag Mindanao ang nagapanindugan na nga untaton na ining “hazing” sa initiation rites.
Na-suggest ko gani sa amon frat diri sa Iloilo nga magtutok na lang sa intellectual kag leadership stature kag influence sa campus sang recruit para sa ila admission sa “brotherhood”.
Na-realize ko man gani sang ako pa sadto (1970) ang Grand Archon sang Cupid Chapter sang amon frat sa University of Iloilo, nga ang pagtilaw sang kabakud sang isa ka recruit wala sing pihu nga talaksan.
May ara nga sobra ang kabakud kag may ara man nga mahuyang, ang rason kon ngaa ang iban nagakapatay sa tuman nga pag-antos sa initiation rite.
May ara gid ya sing individual differences, amo gani importante sa sining mga initiation rite nga may pagbantay gid sa kahimtangan sang kada recruit.
In fact, sang ako nagsulod sa amon fraternity, isa ako sa mga may mahuyang sing lawas. Luwas nga maniwang ako, maluyahon pa ako tungod sang mahina ako kon pakan-on, nga isa ka bagay nga gina-problema man sang akon iloy sadto.
Amo gani diutay lang ako mag-surrender. Na-antusan ko ang mga pagpakahuya, pamahog kag pagsakit sa akon apang daw surrender gid ako sa paddle.
Maayo lang kay ara ang akon sponsor nga nagabantay sang akon kahimtangan. Tungod sa akon reklamo, nagpatunga na ang sponsor ko agud untaton ang akon initiation. Sa lugar nga pitu ka paddle ang ipatupa sa akon, nangin tatlo na lang.
Tungod sini, bilang Grand Archon, I saw to it nga may sponsor ang kada recruit kag ginapabantayan ko gid sa mga senior brods kag sis nga indi matam-an ang recruit.
Ginseguro ko man nga may written nga pagsulundan sa tion sang initiation nga ako mismo ang ga-preparar kon ano lang ang mahimo sa recruit.
Amo gani nga wala gid sing may nadisgrasya sang ako Grand Archon. In fact, wala man ini matabo sa iban pa nga Grand Archon nga sumunod sa akon.
Indi man mabudlay magpatuman sang kon ano ang dapat lang itugot sa initiation kon ikaw Grand Archon sa Sigma Rho, katulad ko.
Ang Grand Archon daw patriarch sang iya myembro nga ang sugo dapat sundon. Ang Constitution sang Sigma Rho gasiling: “The word of the Grand Archon is law.”
Sa karon, ang amon frasority (fraternity kag sorority), nga karon lapnagon na sa bug-os nga pungsod kag madamo pa nga lugar sa kalibutan, gaupod gid sa panindugan sang kasuguan sa pagpakamalaut sa “hazing”.
Kon nagsala man kita sadto, dapat lang nga indi na ini maliwat. #
[/av_textblock]
[/av_one_full]
