[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki ginbunu sa videokehan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Monday, February 13, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOIO – Ginbawian sang kabuhi ang isa ka lalaki nga ginbunu sa videokehan sa Barangay Poblacion Ilaya, Calinog, Iloilo takna alas-11:40 sang gab-i sang Sabado.
Dead-on-arrival sa Dr. Ricardo S. Provido Sr. Memorial District Hospital sa Calinog, Iloilo ang biktima nga si Regan Lilia, legal ang edad, bangod sang patal nga pilas sa likod.
Nadakpan naman ang suspetsado nga si Renmark Cequina y Robles, 22, kag residente sang Brgy. Alimunan, Calinog.
Sa interbyu sang Panay Balita kay Senior Inspector Keneth Bermejo, officer-in-charge sang Calinog Municipal Police Station, naga-istambay sa videokehan ang biktima sang nag-abot ang suspetsado.
Bangod nga may daan nga hiligut-anon, gulpi dayon nga gin-atake sang biktima ang suspetsado gamit ang buka nga botelya apang wala maigu ang naulihi rason nga nakapauli pa kag nakakuha sang batangeño nga nagalaba sang isa ka dangaw.
“May grudges na sila daan. Ang nabun-an gin-attack ya ni ang suspek sang buka nga botelya but may armas gali ang iya kontra rason nga nakabalos man,” eksplikar ni Bermejo.
Nagtuyo pa nga malagyo ang biktima pero ginsunod ini sang suspetsado tubtob nga nakalab-ot na ang napatay sa istasyon sang pulis kag didto na natumba.
Ginhingagaw pa dala sang mga pulis sa ospital si Lilia apang wala na natabangan pa.
Natukiban man nga gwa-sulod sa prisohan ang biktima bangod sang pagtuga sang iskandalo kon mahubog.
Samtang ginasulat naman ining balita, ginaproseso na sang Calinog PNP ang kaso nga homicide batok sa suspetsado./PB
[/av_textblock]
[/av_one_full]
