[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Amay, gintiro sang buga sang bata ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Pilas sa wala nga dughan ang naangkon sang amay matapos nga gintiro sang iya bata gamit ang buga sa Sitio Dalusan, Barangay Santiago, Barotac Viejo, Iloilo sang Lunes sang gab-i.
Gindala sa Barotac Viejo District Hospital ang amay nga si Roberto Mendoza y Peñaflorida, 65, pero nakagwa naman matapos nga nadapatan sang pagbulong.
Nagsungka man sa kapitan sang Brgy. Santiago kahapon sang aga ang suspek nga si Albert Mendoza, 43, dala ang buga nga gingamit sa krimen.
Sandig sa imbetigasyon ni Chief Inspector Joeven Arevalo, acting chief sang Barotac Viejo PNP, nagkadto ang suspek sa balay sang iya amay para kontani nga komprontahon ini sa nabatian nga pangbabaye sini.
Nagbaisay ang mag-amay tubtob nga ginapahayag nagpalupok sang buga ang suspek kag nataboan nga nagtindog ang amay rason nga nakibyasan ini sa abaga.
Natukiban man nga naka-inom ang suspek sadto nga tion.
“Sunu sa istorya ko sa suspek medyo may family problem sila. Naka-inom sia sang ginkadtoan ya sa balay ang tatay ya kag nagbaisay sila didto. So, sunu sa iya, indi man hungod nga tiruhon ang iya tatay kay mapalupok lang sia tani sia kaso nagtindog ang tatay amo to naigu,’ eksplikar ni Arevalo.
Matapos ang insidente, nagpalagyo pa kontani ang suspek pero kahapon sang aga nagsungka man ini sa kapitan sang barangay.
“Sini lang aga nga nag-report ang kapitan sang amo nga barangay nga nagkadto didto ang suspek. So, natigayon nga ma-aresto ang suspect kag gin-surrender ya man ang buga nga gingamit,” dugang ni Arevalo.
Samtang, kon desidido naman nga magpasaka sang kaso ang pamilya batok sa suspek posible nga magpangatubang ini sang kaso nga attempted ukon frustrated homicide./PB
[/av_textblock]
[/av_one_full]
