[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ANG HARI SANG KUOT’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Ikaduha nga bahin
Wala man kuntani ako sang labut sa mga hugothugot nga ini.
Para sa akon, ang akon mga binalaybay, nga ginakabig sang iban binalaybay sang pagngoyngoy, hugot na. Kinuut nga mga balatyagon. Mga kuot halin sa kaidadalman sang pagkatawo.
Of course, sarang ko man masiling nga ang “hugot,” kon lubarun sa Hiligaynon, amu ang ginatawag naton nga “ngoyngoy.” Ang mga balatyagon kag emocion sang pagtangis bangud indi naton mapautwas ang mga ini sa atubang sang tanan.
Ilabi na gid sa aton pinalangga.
Kon inyo pa madumduman, ako man ang gincoronahan nga “Principe sang Ngoyngoy” diri sa Kabisay-an Nakatundan bag-u pa man nagsugud ang bag-ung milenio.
Gani indi malain nga ako ang mangin “Hari sang Hugot Ilonggo” ukon “Hari sang Kuot.”
*
Nag-ukud ako sa pagsulat sang mga kuot bangud sa positivo nga reaccion kag mainit nga pagbatun sang akon mga sumulunod sa Facebook.
Kon nagalab-ut sa 170 tubtub 180 ka mga likes ang akon mga kuot nga expression, ngaa indi ko pagpadayunun?
Ang masadya pa sini, may mga abyan ako nga may mga tinagu nga balatyagon para sa ila bestfriends. Nagakaigu kuno sila sang akon mga kuot.
Labi pa gid ako nga gin-ganahan sa pagdihun sang mga kuot nahanungud sa gugma kag balatyagon para sa abyan.
Kon indi man kamo manamian sini, wala ako sang labut bangud daw ginatutdan naman ang akon mga abyan.
Kag subong sina nga ako ang Hari sang Hugot Ilonggo, o Hari sang Kuot: Bangud mahambal ko kag mapautwas ang mga balatyagon sang mga kubus, o yadtong may kahuya, kag may kakuyaw agud ipautwas ang ila tinagong balatyagon.
*
Ari karon ang iban pa sa akon mga kuot:
“Ambot sa imo
Kon buas mo pa
Ako higugmaun;
Basta, ang masiling
Ko lang, mananam
Ang akon mga haluk.”
*
Sakun na kon sakun;
Apang ang luyag ko gid,
Wala ka choice kundi
Palanggaun ako.
*
Calma ka.
Indi lang ikaw
Ang guapo sa kalibutan.
Ako, guapo man!
*
Ay, abaw!
Maghuyahuya ka man.
Ako na gani
Ang nagapalangga,
Masinoplado ka pa!
*
Nahigut ka na,
Mahugut ka pa?
Tinonto ‘na ‘ya!
*
Wala sang monopolia
Sa paghigugma
Ang mga broken heart.
*
Wala ako labut
Kon palangga
Mo pa sia; basta,
Ihatag lang sa akon
Ang akon partida.
[/av_textblock]
[/av_one_full]
