[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Balay ni Dr. Lapating ginkawatan’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Wednesday, January 4, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Ginsulod sang mga kawatan ang balay sang anay schools division superintendent kag karon executive assistant for sports sang probinsya sang Iloilo nga si Dr. Raymundo Lapating sa Syudad sang Passi alas-7:30 sang Lunes sang gab-i.
Sunu kay Inspector Arnold Darroca, deputy chief sang Passi City Police Station, ginsulod sang indi magnubo duha ka kawatan nga lunsay minor de edad ang balay sang pamilya Lapating pero bangod nga temprano pa, wala sila makasulod sa mayor nga balay.
Tubtob lamang sila sa garahe kon sa diin nahamtang ang Honda CRV sang anay opisyal sang Department of Education – Iloilo.
Nadiskubrehan nga ginbuka sang mga kawatan ang side door sang CRV kag ginguba man ang visor sang isa pa ka salakyan.
Namutikan lamang sang pamilya Lapating nga may nagsulod na sa ila compound sang nagtunog ang alarm sang salakyan rason nga nakatawag dayon sila sang mga pulis.
Antes naman nakaabot ang mga pulis, nakapalagyo na ang duha ka kawatan kag aksidente nila nga nabilin ang isa ka cellphone.
Natukiban pa nga antes nagkadto sa balay ni Lapating, naghapit anay ang mga kawatan sa CPT Mart kon sa diin nataban nila ang mga baligya nga panapton.
Sa follow-up operation naman sang kapulisan, nadakpan ang isa sa duha ka mga kawatan nga kumpirmado nga minor de edad./PB
[/av_textblock]
[/av_one_full]
