[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGITA GINLUGOS SA PATYO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Wednesday, January 4, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Gina-alegar ginlugos sang tatlo ka mga suspek ang 16-anyos nga dalagita nga tumandok sang Dumangas, Iloilo pasado alas-siete sang gab-i sang Enero 1 sa patyo sa San Enrique, Iloilo.
Sa interbyu sang Panay Balita kay Chief Inspector Herman Celiz Jr., hepe sang San Enrique Municipal Police Station (MPS), si barangay kagawad Ruby Bellira ang nakasugid sa ila istasyon nga ginlugos ang dalagita sa sulod sang patyo.
“Ang kagawad ang nakasugid kay ara sila sa kilid sang patyo nga naga-istoryahanay sang nakit-an niya ang nagadalagan nga babae (biktima) kay daw indi ini pamilyar sa lugar,” eksplikar ni Celiz kon ngaa nakahibalo ang kagawad sa natabo.
Nakaresponder man gilayon ang mga pulis kag naabtan pa nga nagahigda sa ibabaw sang pantyon ang isa sa tatlo ka mga suspek nga nakilala sang ulihi nga si Jay-r Luking, 21.
Base naman sa alegasyon sang biktima, nakigkita sia sa iya textmate sa San Enrique kag sang manogpauli na sia, ginpalapitan sia sang tatlo ka mga suspek nga nagtanyag nga idul-ong sia sa iya balay paagi sa pagsakay sa traysikol. Pero imbes nga idul-ong, gindala sia sang mga ini sa sulod sang patyo kag gintampa tubtob nalipong kag ginbulos-bulosan sang lugos.
Sang na-umpawan ang biktima, dali-dali sia nga nagdalagan palagyo sa patyo tubtob nga nakita niya si Bellira.
Sa karon, si Luking priso na sa karsel sang San Enrique MPS samtang at-large naman ang mag-utod nga Jeffrey, 21, kag Mark Jason Paca-onses, 19.
Sa interbyu naman sang isa ka istasyon sang radyo sa iloy sang biktima kahapon, siling sini nga wala gani sia makahibalo nga naglakat ang iya ikatlo sa siam ka mga bata sa San Enrique. Ang nabal-an lamang sini amo nga may karelasyon ini didto.
“May ari gani, amo na ang textmate ya,” hambal sang wala ginhingadlan nga iloy sang biktima.
Gin-aku man sini nga sakit na sa ulo ang iya bata bangod nga wala ini nagasulod sa iya klase rason nga ginpa-untat na lamang nila sa pag-eskwela.
“Amo na gani ang problema ko halin pa ni sang nagliligad nga problema ko. Kay lagawan. Naga-eskwela na sia Grade 10 pero ginpa-untat ko kay daw nabal-an ko bala ang record ya sa eskwelahan,” dugang sang iloy.
Samtang ginasulat ining balita, ginahulat na lamang sang San Enrique MPS ang resulta sa medical examination sa biktima para mabal-an kon ginhimuslan gid man ini./PB
[/av_textblock]
[/av_one_full]
