[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Balay sa Antique gin-raid; mga pusil, bala narekober ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Madamo nga mga pusil kag bala ang narekober sa balay nga gin-raid sang mga otoridad sa Sitio Lunukan, Barangay Sinundulan, San Remegio, Antique takna alas-4:55 sang kaagahon kahapon.
Sunu sa rekord sang San Remegio PNP, bitbit ang search warrant nga gin-apply sang Criminal Investigation and Detection Group (CIDG)-Antique sa opisina ni Hon. Judge Ernesto Abijay Jr., sang Regional Trial Court, Branch 10, San Jose, Antique para sa pagbayolar sang RA 10591 ukon Comprehensive Firearms and Ammunition Regulation Act, ginsalakay nila ang balay ni Junie Bacencio y Cuevas, 48.
Lakip sa narekober sang mga otoridad kay Bacencio amo ang mga masunod:
* homemade 12 gauge shotgun rifle type,
* homemade 12 gauge shotgun rifle nga may magazine,
* homemade 12 gauge shotgun M16 type,
* tatlo ka homemade 12 gauge shotgun sniper type,
* duha ka homemade 12 gauge shotgun single shots,
* tatlo ka guba nga .38 revolver,
* lima ka guba nga homemade 12 gauge shotgun, kag
* isa ka guba nga .22 caliber.
May nakumpiskar man dugang ang mga otoridad nga mga bala, kagamitan sa pag-obra sang pusil, welding machine, electric grinder, kag iban pa.
Napaslawan man si Bacencio nga magpakita sang mga dokumento sa paghupot sang mga pusil rason nga gin-resto.
Samtang ginasulat ini nga balita, si Bacencio ang yara na sa kustodiya sang CIDG-Antique para sa nagakaigu nga disposisyon sang iya kaso./PB
[/av_textblock]
[/av_one_full]
