[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Bata ginkastigo sang amay, patay’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Ginahanda na karon sang Cadiz City Women and Children Protection Desk ang kaso nga parricide batok sa amay nga nagkastigo sa iya bata nga gintunaan sang kamatayon sini sa Hacienda Sta. Barbara, Barangay Burgos, Syudad sang Cadiz, Negros Occidental.
Sunu sa pahayag sang Cadiz City PNP, nagtuyo pa ang amay nga si Rommel Baluran nga malagyo padulong sa Iloilo apang sang ulihi naghapit man sa Syudad sang Victorias agud mangonseho sa iya mga himata parte sa kamatayon sang iya bata.
Nagdesisyon sia dayon nga magsungka sa Cadiz City PNP matapos sia ginhambalan nga atubangon ang amo nga krimen.
Sunu sa panaysayon ni Baluran, nasumbag niya sang duha ka beses sa tiyan ang iya anak nga si Stephen bangod nagpangawat ini sa isa ka tiangge sa ila barangay sang Disyembre 16, 2016.
Naglain naman ang pamatyag sang bata kag nagapamus-on sang itom nga hambal sang doktor dugo. Gilayon ini nga gindala sa Cadiz District Hospital sang Biyernes apang sang kaagahon sang Sabado nakita sang mga doktor nga indi maayo ang kahimtanga sang bata kag ila ginrekomendar nga ibalhin ini sa Corazon Locsin Montelibano Memorial Regional Hospital. Ginsakay sa ambulansya ang bata apang sang magwa na sila sa gate sang Cadiz District Hospital, ginbawian ini sang kabuhi,
Sunu pa sa amay, naghambal pa ang iya bata antes ginbawian sang kabuhi nga, “Tay, indi na gid ako magpasaway sa imo.”
Siling naman sang mga doktor napatay ang bata sa internal hemorrhage./PB
[/av_textblock]
[/av_one_full]
