[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’2 ka lalaki gintiro-patay sa Bacolod’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang duha ka lalaki makaligad nga gintiro sa Gonzaga Extension, Barangay 28 diri mga alas-12:40 sang kaagahon kahapon.
Sunu sa Police Station 6 sa idalom in Chief Inspector Jovil Sedel, ang una nga napatay amo si Edwin Magbanua Despi, 37, kag tumandok sang Bagumbayan, Brgy.7, Isabela apang naga-istar temporaryo sa Purok Cabuguason, Brgy. Mansilingan.
Ginkilala naman ang ikaduha nga napatay nga si Johnny Sesmeño, 35, tumandok sang Brgy. Bug-ang, Toboso kag temporaryo nagapuyo sa Gonzaga Extension, Brgy. Taculing.
Samtang pilason naman ang ila upod nga si Ben Nabor, 38, sang Purok Cabuguason, Brgy. Mansilingan kag ang nadalahig nga istambay nga si Bong Torrecarion, 48.
Sunu kay Sedel, naga-angkasanay sa motorsiklo sanday Despi, Nabor kag Sesmeño agud magpuli na. Pero nagdulog pa sila sa amo nga duog para magbakal sigarilyo sang hinali nag-ulpot ang isa ka motorsiklo nga sakay ang duha ka suspek kag gintiro sila.
Sanday Nabor kag Torrecarion ginabulong pa karon sa Corazon Locsin Montelibano Memorial Regional Hospital kon sadiin yara sa delikado nga sitwasyon si Nabor bangod sa iya igu sa kilid kag liog.
Ang motibo naman, sunu kay Sedel, wala pa gid mapiho apang sa ila inisyal nga imbestigasyon, may angut ini sa personal nga hiligut-anon./PB
[/av_textblock]
[/av_one_full]
