[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bolantero gintiro-patay sa Sipalay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang bolantero gikan sa banwa sang Candoni, Negros Occidental sang gintiro ini samtang sakay sa iya multi-cab mga alas-dos ang takna sang hapon sang Martes sa Sitio Magtanday, Barangay Camindangan, Syudad sang Sipalay.
Ginkilala ni Chief Insp. Romeo Vargas, hepe sang Sipalay City PNP, ang biktima nga si Warnel De La Cruz Catacata, 48, kag nagapuyo sa Brgy. Caningay, Candoni.
May pilas ang biktima sa puwak kag naglapos sa iya liog gikan sa kalibre .45 nga armas.
Sunu kay Vargas, manogpauli na si Catacata halin sa pagbolante sa Brgy. Camindangan sang gintiro sa ginhinambit nga lugar.
May upod sa multi-cab si Catacata nga babae nga manogbolante nga ginpasakay niya pero namalibad ini nga magpungko sa front seat. Sa baylo, sa likod nagpungko si Josephine Mansalon kay sunu sa iya may ginasabak sia nga tabako.
Sunu pa kay Vargas nga ginsunod sila sang tatlo ka wala makilala nga mga tawo sakay sa motorsiklo kag pagtupad gid sang motorsiklo, ang sa tunga nga tawo amo ang nagtiro sa biktima.
Ang lugar nga nataboan sang krimen takason kag kurbada sa diin diutayan man mahulog sa banglid ang mutli-cab. Sa maayo nga palad nakalumpat si Mansalon kag wala ini maano.
Dugang pa sang hepe nga ang kwarta nga dala ni Catacata nga P19,649 wala man matandog, patimaan lang nga indi hold-ap ang rason kundi tuyo gid nga patyon ang biktima.
Gina-usisa pa sa karon sang kapulisan kon bala may kaangtanan ini sa ilegal nga droga kay si Catacata madugay man ang tinir sa Syudad sang Bacolod antes ini nagpauli sa Candoni./PB
[/av_textblock]
[/av_one_full]
