[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Tigulang nasapwan patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay na sang masapwan sang iya himata ang tigulang nga babae pasado alas-otso sang gab-i sang Martes sa Bangga Lima, Paglaum Street sa Phase 3 sang Capitol Heights Subdivision, Barangay Villamonte diri.
Gilayon man nga nagresponder ang mga pulis sang Police Station 4 sa pagpamuno ni Senior Insp. John Ganzon kag ginkilala ang biktima nga si Fortunata Delgado, 63, laon, kag tumandok sang banwa sang Binalbagan, Negros Occidental.
Sunu sa himata sang biktima, isahanon ini nga naga-istar sa daku nga balay nga nalibutan sang matag-as nga pader nga ginapanag-iyahan sang iya hinablos nga didto subong sa Estados Unidos.
Sunu naman sa utod sini nga si Eva Delgado Rios, nga nagapuli malapit man sa amo nga balay, iya ginahambalan ang biktima nga magpangita sang upod kag indi magpagab-i puli.
Ginreport nga nagatrabaho pa sa internet cafe ang biktima kag gab-i na nagapauli.
Sunu naman kay Ganzon, pagpangawat ang motibo sang pagpatay kon sa diin nagbatu ang biktima kag may nagluntad nga paglagsanay sa sulod sang balay antes ini nalab-ot kag ginlamposan sa ulo.
Wala man sang nabatian nga gahod sa paghimu sang krimen bangod sang mataas nga pader apang namutikan lang sang mga naga-agi sa amo nga balay nga may nagatulo nga dugo gikan sa sulod sang balay kag ang lawas sang biktima nagasandig sa gate.
Nakasulod naman ang mga pulis sa balay paagi sa hagdanan nga ginbutang sa pader kay nagabalabag ang lawas sang biktima sa gate.
Natukiban man sa pagpangusisa sang kapulisan nga ang cellphone kag gamay nga kantidad sang biktima ang nadula.
Samtang ginasulat ini nga balita, sunu kay Ganzon nga padayun pa ang pag-usisa nila sa krimen agud makilala ang taghimu sini./PB
[/av_textblock]
[/av_one_full]
