[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’BUMBAY GINTIRO- PATAY SA JARO ‘ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang Indian national ukon Bumbay matapos nga gintiro sang riding-in-tandem sa sulod sang balaligyaan sang car accessories sa Dalan Jalandoni, Barangay Our Lady of Fatima, distrito sang Jaro pasado alas-tres sang hapon kahapon.
Dead-on-arrival sa West Visayas State University Medical Center ang biktima nga si Rupinder Kaur Chahal, 34, residente sang Brgy. Buhang, Jaro. Nakaagom ini sang apat ka patal nga mga pilas sa lawas.
Sunu sa panaysayon sang testigo sa interbyu sang Panay Balita, nagatindog ang biktima sa tupad niya sang nagsulod ang isa ka suspetsado nga nagasuksok sang itom nga kalo kag gintiro si Chahal gamit ang wala nadeterminar nga sahi sang pusil.
“Nagkakabit ako ng sticker sa likod ng sasakyan. Tapos yung biktima sa may gilid ko lang, tapos may biglang pumasok na lalaki, bumunot siya ng baril at pinaputukan lang siya (Chalal),” pahayag sang testigo nga naghinyo nga ihinago lamang ang pangalan.
Dugang pa niya nga makatatlo ka beses nga gintiro sang suspetsado ang biktima.
“Pagbaril, tumakbo ako, pero sumunod pa siya (Chahal) sa akin. Tapos sinalubong noong suspect yung biktima sa harapan ng kotse at pinaputukan pa ng isang beses. Doon na siya (Chahal) bumulagta,” dugang sang testigo.
Nakit-an man sang testigo nga may ka-transaksyon ang biktima nga kaupod man niya nga empleyado sang gintiro.
“Bale yung kapatid niya (Chahal) suki namin,” eksplikar sang testigo.
Matapos nga gintiro, nagbalik man dayon ang suspetsado sa nagahulat nga motorsiklo nga nakaparada sa Dalan Commission Civil.
Sa pagpati naman ni Police Officer 2 Saturnino Dela Cruz, imbestigador sang Jro PNP, propesyonal nga kriminal ang nagpatay sa biktima.
“Ginsulod niya gid sa sulod eh kag gintiro. Tapos nag-gwa siya nga daw wala lang natabo,” hambal ni Dela Cruz.
Samtang ginasulat ini nga balita, padayun pa ang hot pursuit operation sang kapulisan para madakpan ang mga suspetsado./PB
[/av_textblock]
[/av_one_full]
