[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Composite sketches sang nagatuyo mang-abduct sa Iloilo City ginpagwa ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginpagwa sang Iloilo City Police Office (ICPO) ang facial composite sketches sang mga persona nga responsable sa tuyo nga pag-abduct sa mga kabataan sa sining syudad.
Una nga ginpagwa sang ICPO ang facial composite sketch sang babaye nga gina-alegar nagdala sa grade 2 pupil sang Jaro Elementary School sa Leganes, Iloilo pero ginbalik man sini pagkahapon sa distrito sang Jaro sadtong Hulyo 6. Ginlaragway ini nga nagataas sang 4’11” kag maitom.
Sunod nga ginpagwa sang ICPO ang facial composite sketch sang ginapasuni abductor sang isa ka estudyante sang Jalandoni Elementary School sa La Paz sadtong Sept. 11. Ginalaragway ini nga may daku nga alom sa ibabaw sang baba.
Ang isa pa amo ang facial composite sketch sang lalaki nga tuyo mag-abduct sa isa ka estudyante sadtong Sept. 8 sa distrito sang Jaro. Maputi ini kag posible nagasuksok sang wig kag may freckles sa nawong.
Nahibaluan nga nagalakat ining estudyante sa Commission Civil St., Brgy. Our Lady of Fatima, Jaro sang gintawag sang suspek kag ginhagad nga magsakay sa salakyan para kontani ma-interbyu pero nagpamalibad ang bata.
Angut sini, nagapangabay sa publiko ang ICPO paagi kay Senior Insp. Shella Mae Sangrines nga magpakig-angut sa ila talatapan ukon magtawag sa 337-0400 kag 09083770194 kon may nabal-an nga impormasyon angut sa mga ginlaragway nga mga persona.
Tuyo sang ICPO sa pagpagwa sang facial composite sketches nga ma-alerto ang publiko kontra sa mga persona nga nagatuyo nga mang-abduct sa mga kabataan./PB
[/av_textblock]
[/av_one_full]