[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Dalaga nga gin-abduct nakapalagyo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Gina-imbestigaran na sang Regional Intelligence Division (RID) sang Police Regional Office 6 ang pag-abduct sa 19-anyos nga dalaga nga maswerte nga nakapalagyo sang Huwebes sang gab-i sa Barangay Ungka, Pavia, Iloilo.
Nakuha sang dalaga ang plate number sang duag gray nga van nga ginpasakyan sa iya sang lima ka mga persona nga ginabug-osan sang isa ka babaye kag apat ka mga lalaki.
Base sa reklamo ni alyas Inday, bag-o lang sia nakapanaog sa dyep halin sa eskwelahan sang gindulogan sia sang van nga may plate number ZPG-195.
Sunu sa iya nga puersa sia nga ginpasakay sa van kadungan sang pagtaya sang pusil kag pagpahog nga patyon sia kag nakalab-ot sila sa circumferential road sa atubang sang Green Meadows Subdivision.
Pero siling sang dalaga nga nagbatu sia paagi sa pagwaras kag ginpangsipa ang mga lalaki rason nga nabuksan niya ang puertahan sang van kag nakapalagyo.
Panaysayon pa niya nga lunsay nagahambal sang Tagalog ang mga suspek.
Gilayon nga nagreport ang dalaga sa Jaro PNP upod ang iya amay kag tiyo. Sang nakalab-ot naman sa igtalupangod ni acting director Senior Supt. Henry Biñas sang Iloilo City Police Office ang natabu, gilayon sini ginmando ang checkpoint operation sang tanan nga mga police stations sa syudad.
Samtang gilayon man nga naghulag ang RID para mausisa kon sin-o ang nagapanag-iya sang ginsakyan nga van sang mga suspek./PB
[/av_textblock]
[/av_one_full]