[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGA GIN-ABDUCT SA AJUY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala pa makita ang 22-anyos nga dalaga nga gina-alegar gin-abduct sang duha ka armado nga mga lalaki sa Sitio Casamata, Barangay Central, Ajuy, Iloilo alas-7:50 sang Lunes sang gab-i.
Ginkilala ang biktima kay Renelym Ira, dalaga kag residente sang nasambit man nga lugar.
Base sa imbestigasyon ni Chief Insp. Charlie Sustento, hepe sang Ajuy Police Station, nagatan-aw ang biktima sang telebisyon sa sulod sang ila balay upod ang iya mga ginikanan kag utod sang hinali nga nagsulod ang duha ka wala nakilal-an nga persona nga armado sang duha ka malagba kag isa ka malip-ot nga pusil kag may tabon ang baba kag ilong.
Sunu kay Sustento nga puersa nga gindala sang mga suspek ang biktima apisar nagapakitluoy ang iya mga ginikanan nga buy-an ang ila bata.
Pero imbes nga pamatian sang mga suspek ang ila pagpakitluoy, ginhambalan pa sila sang isa nga “Indi kamo pakulba kay bayad na ni ang bata nyo. Indi kami rapist. Ibalik lang namon ang bata nyo nga wala sang gasgas. May ma-istorya lang sa iya.”
Ginmandoan man sang mga suspek ang biktima nga magdala sang bayo bangod nga magalawig sang duha ka adlaw ang iya pagbiya sa ila balay.
Kag gilayon nga nagpalagyo ang mga suspek dala ang biktima paagi sa pagsakay sa motorsiklo padulong sa wala nahibaluan nga direksyon.
Matapos nga nakabiya ang biktima kag mga suspek, gilayon nga nagtawag sang mga pulis ang ginikanan sini pero tubtob ginasulat ining balita wala pa sang matudlo nga mga suspek ang Ajuy PNP. Padayun pa ang ila imbestigasyon sa natabu.
Sa pihak nga bahin, kahapon sang aga nakita na ang motorsiklo nga ginsakyan sang dalaga kag duha ka suspek sa Brgy. Lanjagan, Ajuy, Iloilo./PB
[/av_textblock]
[/av_one_full]