[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Defensor, naakig sa drayber sang ambulansya sa Sara’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Gintawag nga mga tig-a ulo sang gobernador sang probinsya sang Iloilo ang pila ka mga empleyado kag staff sang mga district hospitals sa probinsya.
Kasunod ini sang pagsukot sang drayber sang ambulansya sang banwa sang Sara sang P1,000 sa pigado nga iloy nga may nagamasakit nga bata nga kinahanglan dal-on sa ospital sa Syudad sang Iloilo.
“Iban ko nga mga empleyado sa ospital, mga staff da mga tig-a ulo bala. Indi ka-intindi ka Binisaya. Ginasingganan ko na sila nga basta pag-usar sang ambulansya, ang mausar imol kag indi makasarang magbayad, indi pagsukton,” hambal ni Gob. Arthur Defensor Sr.
Nahibaluan nga napilitan ang mag-iloy nga magsakay sa Ceres bus para lang makalab-ot sa syudad.
“Duro ang pangakig ko sang isa ka adlaw kay ang natabo ma-usar tani ang bata, 5 years old, sang ambulansya kay naga-ihi sang dugo. Ti, naga-ayo tani nga dal-on na lang sa Iloilo City, kay ti tungod ginpangayoan sila sang P1,000, indi sila kasarang, nagsakay sila sa Ceres eh,” dugang sang goberandor.
Ginklaro man ni Defensor nga ang mga ambulansya kag ospital sa probinsya ginbakal kag gintukod para sa mga pigado kag indi dapat sila pagsukton bangod nga gina-abaga man sang gobyerno probinsyal ang kagastohanan sa sining mga ospital
“Ngaa manukot pa gid sila kay ang kwarta nga ginagasto sa gasolina indi man na ila. Iya man ina sang gobyerno. Ngaa gusto gid nila uli-an,” kwestiyon sang gobernador sa natungdan nga drayber.
Apang gin-aku man sang gobernador nga may mga sirkumstansya kon kaisa nga ginasukot ang isa ka pasyente kon mag-gamit sang ambulansya.
Ginhalimbawa sang gobernador nga kon manggaranon ang masakay sa ambulansya, dapat nga ulikdon man nila ang gasolina bangod nga may ikasarang sila sa pagbayad. Pero kon pigado, klaro ang mando sang gobernador nga idul-ong gid ang pasyente sa ospital sa syudad kag indi na pagsukton.
Dapat man nga mag-isyu sang resibo ang mga drayber sang ambulansya ukon ang mga ospital sa tion gid man nga gusto sang pasyente nga magbayad sa pag-gamit sang ambulansya./PB
[/av_textblock]
[/av_one_full]
