[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Durogista gintiro-patay sa Molo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang ginapasuni durogista matapos nga gintiro sang riding-in-tandem sa Brgy. San Pedro, distrito sang Molo alas-9:50 sang gab-i sadtong Martes.
Dead-on-arrival sa Iloilo Doctors’ Hospital si Joemarie Arroyo, 44, kasado kag residente sang Brgy. San Pedro, Molo, nga nakaagom sang isa ka pilas sa ulo, duha sa likod kag duha man sa dughan.
Sa interbyu sang Panay Balita kay Chief Inspector Mark Cordero, hepe sang Molo PNP, naga-inom-inom ang biktima sa tiangge malapit sa terminal sang ginpanaogan sang riding-in-tandem kag ginpaarakan tiro gamit ang kalibre .45 nga pusil.
“Naga-inom ni sa gilid dalan. Naglabay dira ang mga suspek kag ginpanaogan gid nila (mga suspek) eh base man sa panaysayon sang aton mga nakakita,” siling ni Cordero.
Nagatalikod naman ang biktima sang gintiro kag gulpihada lamang ang paglabay sang mga suspek nga naga-motor kag nagasuksok sang helmet.
“Naka-helmet, mga 5’5 ang height then Tagalog speaking sila,” laragway ni Corero sa mga suspek.
Gin-aku man ni Cordero sa Panay Balita nga nakaagi nila pa-idalom sa Oplan Tokhang si Arroyo sang nagligad nga bulan bangod nga nagabaligya ini sang ilegal nga droga kag may kaso man nga pagpangawat.
“Na-tokhang na sia. Bale balay-balay na subong ang tokhang naton. May pending case na sia sa area nga theft and robbery. Simbahan sang Molo ang ginsulod ya, ginpasakan kaso ni Fr. Boy Celis pero naka-bail sia kag nakagwa sia. Base sa information naton, naga-engaged sia sa drugs dira usually sa terminal sa San Pedro,” sugid pa sang hepe.
Nakarekober naman ang Molo PNP sang pito ka mga fire cartridges, isa ka misfired kag isa ka slug sang ginapatihan kalibre .45 sa ginluntaran sang krimen.
Nagapati naman si Cordero nga may labot sa ilegal nga droga ang pagpatay sa biktima. Posible nga lansehanay ukon wala ma-remit nga bili sang droga ang motibo.
“Basi kon grupo man lang nila kay basi way bala naka-remit sa ila ginakuha kay indi pa man kita maka-conclude kay gina-check pa naton ang footage sang closed-circuit television camera nga nagakabit sa barangay./PB
[/av_textblock]
[/av_one_full]
