[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Maoy nga bata ginlabu sang amay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala na napunggan sang amay ang iya kaakig kon sa diin napatay gid sini paagi sa paglabu ang iya bata alas-11 sang gab-i sang Martes sa Brgy. Lacadon, Dueñas, Iloilo.
Dead-on-the spot si Nepthali Laqueorez, 36, bangod sang patal nga pilas sa nagkalain-lain nga bahin sang iya lawas.
Sa interbyu sang Panay Balita kay Senior Inspector Felix Allianza, hepe sang Dueñas PNP, tulog ang amay nga si Roque Laqueorez, 63, sa iya kwarto sang nagsulod diri ang hubog nga si Nepthali nga may bitbit nga binangon kag gin-uyog ang katre.
Natapungawan ang amay kag gin-agaw ang binangon tubtob nga nagpukotay sila. Sang ulihi, tigayon nga nakuha sang amay ang iya man binangon sa katre kag ginlabu sang makapila ka beses ang iya bata.
“Ang bata nga ni kon mahubog, maoy, daw problema sang pamilya na. Ti, nagsulod to sa balay ni tatay na nga nagakatulog. Tapos gin-uyog-uyog ya ang katre ni tatay ya. So, na-impito si tatay ya kay once nga mahubog gani tam-an gid ka maoy. Damo gid kontra. So, pag-uyog-uyog sang katre, si tatay ya nagapanginlaman na daan mo. Tapos may binangon ang victim, paghakwat ya sang katre, naagaw ni tatay ya binangon kag ginhaboy kag nagbunot man si tatay ya sang binangon kag ginlabu una sa spinal cord kag ikaduha sa liog,” panaysayon ni Allianza.
Dugang pa sang hepe nga naghambal pa ang napatay nga “Patyon ta ikaw, ‘tay” rason nga wala man gin-untatan sang amay ang paglabu diri.
Matapos nga namurag-muragan sa natabo, nagsungka man dayon sa kapulisan si Roque kon sa diin tuman ang paghinulsol sini./PB
[/av_textblock]
[/av_one_full]
