SUNU sa latest Global Seasonal Climate Update sang World Meteorological Organization (WMO), ang sea surface temperatures (SST) sa Tropical Pacific – ang epicentre sang extreme El Niño weather phenomenon – pwede magtaas sa 3.8oC lapaw sa average sa tunga-tunga sang Nobyembre 2026 tubtub Enero 2027.
Sa normal nga sitwasyon sa Pacific Ocean, nga nagapangubayon sa Filipinas sa Nakatungdan (West) sini, ang pagtaas sang SST sa 0.5℃ above normal bastante na agud maka-trigger sang El Niño alert.
“Ang El Niño 2026-2207 event pinasahe ini, ugaling. Amo na ini ang pinakabaskug (unprecedented) sugod sang pag-monitor sang WMO sini sa sulod sang apat (4) ka dekada, nga ang impact mabatyagan sing malawigon padulong sa hingapusan sang 2026 tubtub pa sa 2027,” sunu kay Celeste Saulo, Secretary-General sang WMO.
Sa pagmonitor man gani sang Pag-asa, mabatyagan na naton sa Filipinas ang Extreme Heat sini tubtub sa katung-anan sang 2027. Kun tubtub ano kataas ang idulot sini nga heat index sa katauhan – atmospheric (air) temperature plus percent Humidity – ginaseguro pa sa pagtuon sang Pag-asa at presstime.
Para sa paghangop naton nga ordinaryo nga mga pumuluyo, sunu sa isa ka weather scientist, kon ang atmospheric (air) temperature sa diin man nga bahin sang Kalibutan (Earth) galab-ot sa 31oC nga upod ang 70% Humidity (air moisture) matawag na ini nga Heat Index, nga pwede makalab-ot sa Heat Index 42 oC on a “hot day”.
Samtang, gina-modify naman sang SST ang init sang atmospheric temperature sugod malapit sa babybayon sang kadutaan agud makuha ang average impact (air and SST) temperature. Kag kon idugang mo dira ang Humidity (air moisture) on a “hot day” makulkulo mo na ang Heat Index.
***
Indi kita dapat ugaling magkabalaka, sunu man kay Saulo, kun may bastante kita nga ihibalo sa climatic predictability.
In fact, may yara na kita sang kasubong nga ihibalo kag kagamitan sa Filipinas. May masaligan naman kita diri nga ihibalo sa scientific forecasting. Early warning alert.
Makapatigayon man kita sang bastante nga evacuation centers kag shelter provisions. Healthcare kag kalan-on para sa nalisdan. Kag rescue & relief operations sang mga biktima. Madamo man sing NGOs ang nagatanyag sang mabulig nila.
Ang kulang na lang ang mangin masinulundon kita sa mga panugyan sang gobyerno kag pangpangusog man naton nga mga pumuluyo agud maseguro ang aton kaugalingon, ang aton mga pamilya kag pangabuhian.
***
Apang tungod sang ginapaabot nga impact sining “unprecedented” Super El Niño, nga gadala sang Extreme Heat kinahanglan na naton ang mas maamligon nga pagpangamdam. Bag-o pa magtupa ang mayor nga dala sini nga tagtuyot (drought) kag water scarcity nga gahatag sang problema sa aton kaumhan kag sa kinahanglan nga tubig sa panimalay. Kag sa pagkulpa sang impact sini, agud mapaseguro nga makabangon man kita dayon sa aton normal nga pagpangabuhi.
Gapasalig man ang Office of Civil Defense (OCD) nga makapain sang bulig tubtub sa PhP7.8-B NDRRM fund para sa El Niño response.
***
Napulo’g-duha (12) ka lugar saFilipinas ang gin-forecast sang Pag-asa nga maka-experyensya sang drought sugod sa Noyembre 2026 nga expected sa pag-persist tubtub sa first quarter sang 2027.
Sunu sa climate outlook sang Pag-asa sa Nobyembre 2026 tubtub Abril 2027, maka-experyensya kita diri sang tagtuyot (Drought) sa Nobyembre 2026.
Ma-experyensyahan diri ang full Drought sa sulod sang 3-5 ka consecutive ka binulan sang way-below-normal rainfall sa pagnubo sang rainfall sa 60% pataas halin sa average.
Ang Dry Spell naman matabo sa sulod sang tatlo (3) ka consecutive months of below-normal rainfall sa pagnubo sini sa 21% tubtub 60% halin sa average.
Ang masunod nga mga lugar maga-experyensya sang Drought/Dry Spell sugod sa bulan sang Nobyembre 2026: Albay, Camarines Norte, Camarines Sur, Catanduanes, Capiz, Leyte, Negros Oriental, Western Samar, Siquijor, Southern Leyte, City of Isabela, kag Misamis Oriental.
Samtang ang Dry Conditions ga-refer sa 2 ka consecutive months nga below-normal rainfall conditions.
Ang masunod ng mga areas ginapaabot nga maka-experyensya sang Dry Conditions sa Nobyembre 2026 man: Aurora, Bulacan, Laguna, Nueva Ecija, Pampanga, Rizal, Tarlac, Eastern Samar, Agusan del Sur, Davao Oriental, kag Surigao del Sur.
***
Maka-experyensya man sang “hottest” nga kainiton (temperature) sa 2026 ang masunod:
LUZON: Abra, Apayao, Bataan, Batanes, Batangas, Benguet, Cagayan, Cavite, Ifugao, Ilocos Norte, Ilocos Sur, Isabela, Kalinga, La Union, Marinduque, Masbate, Metro Manila, Mountain Province, Nueva Vizcaya, Occidental Mindoro, Oriental Mindoro, Palawan, Pangasinan, Quezon, Quirino, Romblon, Sorsogon, kag Zambales.
VISAYAS: Aklan, Antique, Biliran, Bohol, Cebu, Guimaras, Iloilo, Negros Occidental kag Northern Samar.
MINDANAO: Basilan, Camiguin, Cotabato (North Cotabato), Davao del Sur, Davao Occidental, Dinagat Islands, Maguindanao del Norte, Maguindanao del Sur, Misamis Occidental, Sarangani, South Cotabato, Special Geographic Area (SGA), Sultan Kudarat, Sulu, Surigao del Norte, Tawi-Tawi, Zamboanga del Norte, Zamboanga del Sur and Zamboanga Sibugay./PN
