[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mangunguma gintiro-patay sang tiyo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Cyrus M. Garde
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Wala nadayon ang pagkay-o sang mangunguma sang patubig sang iya uma matapos nga ginsugata kag gintiro sia sang iya tiyo sa Purok Gemelina, Brgy. Amayco, Murcia, Negros Occidental mga alas-5:30 sa hapon sang Huwebes.
Ginkilala ni Senior Inspector Ronald Santillan, hepe sang Murcia PNP, ang biktima nga si Jonathan Ramos Oparil, 45, may asawa kag residente sang nasambit nga lugar.
Napilasan sa dughan ang biktima kag dali-dali pa nga gindala sa Murcia Infirmary Clinic apang ginlawag patay antes pa madapatan sang pagbulong ni Dr. Raymund Antonio Maguad.
Ang suspek naman amo si Isidro Oparil Salazar, 78, kag naga-istar sa Purok Batohon, Brgy. Amayco.
Sunu sa report sang Murcia PNP, nakabati sang duha ka lupok ang himata sang duha nga si barangay kagawad Emilio Oparil Colango, 38, kag gilayon niya ini nga ginkadtoan kon sa diin nasugata niya ang suspek kag gintayaan pa sia sang pusil antes ini nalagyo.
Nag-gwa man dugang sa imbestigasyon sang kapulisan nga konplikto sa duta ang kabangdanan sang krimen.
Samtang ginasulat ini nga balita, padayun pa ang pagpangita sang mga pulis sa suspek./PB
[/av_textblock]
[/av_one_full]
