Mga kabulig sa balay magabaton P3,500 nga sweldo

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Mga kabulig sa balay magabaton P3,500 nga sweldo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Mangin maduagon ang pagselebrar sang Paskwa kag bag-ong tuig sang mga kabulig sa balay sa rehiyon 6 bangod nga magabaton na sila sang mas daku nga sweldo.

Umpisa sa Disyembre 8 ukon 15 ka adlaw matapos nga mapagwa sa lokal nga pamantalaan ang bag-o nga Wage Order No. RBVI-DW 02 nga may titulo “Prescribing New Minimum Wage Rates for Domestic Workers in Region VI – Western Visayas,” mahimu na dayon mapatuman ang P3,500 nga sweldo kada bulan para sa mga kabulig sa Aklan, Antique, Capiz, Guimaras, Iloilo, kag Negros Occidental.

Kon sang una nagabaton lang sang P2,500 nga sweldo kada bulan ang mga kabulig nga naga-obra sa chartered cities kag first class municipalities kag iban nga mga banwa, subong mahimu na ini nga P3,500.

Ang saka sa sweldo resulta sang ginkasar nga duha ka public hearings sadtong Oktubre 17 kag Oktubre 23, 2017 sa mga syudad sang Iloilo kag Bacolod.

Ini naman ang ikaduha nga wage order nga gin-isyu sang Department of Labor and Employment sa rehiyon 6 matapos nga sadtong Pebrero 18, 2016, nagpasaka man sila sang sweldo halin sa P2,000 pakadto sa P2,500 basi man sa  Executive Order No. 183, Series of 2015 nga ginpirmahan sadto ni anay Presidente Noynoy Aquino, pero wala diri nasakop ang Negros Occidental./PB

 
[/av_textblock]

[/av_one_full]