[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sakada nga Ilonggo nalagyo sa ila gina-obrahan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Napilitan nga magpalagyo gikan sa ila gina-obrahan ang tatlo ka mga Ilonggo nga nagatrabao bilang sakada sa isa ka hacienda sa Syudad sang Binalbagan sa Negros Occidental.
Ginkilala ang mga ini kanday Warren Calambro, Anthony Dubria kag Gretchon Cabaya, lunsay residente sang Brgy. Tabuc Suba, Jaro.
Sunu kay Calambro, indi mabatas ang ila pagpangabudlay apang wala sila ginapakaon sang husto.
“Bira-bira obra namon karga kag tapas sang tubo pero ang pamahaw, panyaga, panyapon uga sud-an namon. Indi kami ka agwanta, nagpalagyo kami” pahayag ni Calambro sa interbyu sang RMN Iloilo.
Antes sila naglakat sa Negros, ginhatagan sila sang tag-P10,000 sang recruiter nga si Ontoy Mariano sang Valderama, Antique bilang abanse nga bayad para magtrabaho sa kampo. Ginpangakuan man sila sang tag-P140 kada tonelada nga magaling nga tubo.
Ginbuyagyag man Calambro nga may mga minor man nga nagatrabaho sa kampo kag ginatago lang kon may mag-abot nga taga-Department of Labor and Employment (DOLE). May iban pa nga mga sakada nga nagabalati-an na bangod sa indi maayo nga kondisyon sang ila ulobrahan.
“May bata pa to nga ga-obra, ginatago lang kon mag-abot ang labor (DOLE). Iban gani naga-ihi na dugo. May nagasuka man dugo,” buyagyag sini.
Dugang pa sini nga madamo ang nahadlok malagyo bangod ginapahog sila nga patyon sang mga armado nga tawo.
Sa pihak nga bahin, ginpahayag ni May Rago-Castillo, Regional Information Officer sang Department of Social Welfare and Development 6, nga kinahanglang nga makaparekord sa pulis ang mga biktima agud magamit sa possible nga pagpasaka sang kaso.
Mahimu man makahatag sang bulig sa mga biktima ang pamunoan sang City Social Welfare and Development Office./PB
[/av_textblock]
[/av_one_full]