[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Negosyante nga Intsik, gwardiya patay sa hold-ap’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang gwardiya kag negosyante nga Chinese sang ginhold-ap ang ila baligyaan sa ginsang-an sang kalye Locsin kag Luzuriaga sa Barangay 13 diri alas-7:30 ang takna sang Domingo sang gab-i.
Ang gwardiya ginkilala nga si Jilbert Sabanal Mayang, 40, kag tumandok sang Brgy. Talacagay, Hinobaan. May igu sia sa ulo nga gintunaan sang iya gilayon nga kamatayon.
Napilasan man sa ulo si Chang Li Ho alyas Alok, anak sang tag-iya sang JDS Mindoro Enterprise Corporation nga nagabaligya mga hampangan kag iban pa nga gadgets, rason nga ginlawag dead-on-arrival sa Dr. Torre Memorial Hospital.
Samtang tatlo pa ka mga Chinese nationals ang nagkalapilasan nga amo sanday Wee Kwang Wang, Hua Wanglo Wang kag Shaw Shang Long.
Sunu sa imbestigasyon sang Police Station 1 nagsulod ang suspek nga nagabayo pula kag nagasuksok helmet nga itom samtang nagapanirado na ang balaligyaan kag hinali gintiro si Mayang nga ara sa gwa gamit ang armalite rifle.
Naabtan man sang suspek nga naga-isip sang benta si Alok kag gilayon niya man ini nga gintiro kag dayon niya hakop sang benta nga nagdangat sa kapin P1 milyon.
Ginsundan ini sang pagtiro pa sang suspek sa tatlo ka iban pa mga Chinese nationals sa sulod sang balaligyaan.
Sunu sa pulis, nalagyo dayon ang suspek sakay sa motorsiklo padulong sa sur nga bahin sang syudad.
Sa karon, padayun pa ang imbestigasyon sang kapulisan sa hitabo./PB
[/av_textblock]
[/av_one_full]
