[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pag-obra sang JRMP II sugoran sa 2018′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Sugoran sa una nga quarter sang 2018 ang pag-obra sang balor P11.2 bilyon nga Jalaur River Multi-purpose Project (JRMP) II sa Calinog, Iloilo.
Ginhambal ni regional manager Gerardo Corsiga sang National Irrigation Administration (NIA) 6 nga positibo sia nga madayon na ang aktwal nga pag-obra sang mega dam sa una nga quarter sang 2018 bangod nga ginahulat na lang nila ang dokumento kaangay sang pag-arubar sang board sang resolusyon nga maga-award sang notice to proceed subong nga Disyembre.
Plano man sang NIA-6 nga i-anunsyo sang pormal sa masunod nga bulan ang pagsugod sang konstraksyon sang mega dam.
Ining tikang sang NIA-6 kasunod man sang pagkumpleto sang post qualification sang bids and awards committee sa Korea kon sa diin positibo ang nangin resulta sandig man sa report sang National Economic Development Authority.
Nahibaluan nga ang mega dam ginabug-osan sang tatlo ka mga dam nga ginpundohan sang gobyerno sang South Korean kag Pilipinas kag ginalauman nga magalawig ang pag-obra sang apat ka tuig.
Tinutuyo sang JRMP II nga makahatag sang bastante nga supply sang tubig, mapasaka ang produksyon sang palay sang probinsya, makahatag sang bastante nga supply sang koryente, magatanyag sang madamo nga trabaho, makapahagan-hagan sang pagbaha, kag labi sa tanan makatib-ong sang eco-cultural tourism.
Matandaan nga naatrasar ang pag-obra sang JRMP III bangod sang pagpamatok sang pila ka mga tumandok sa Calinog nga nagakahangawa nga maapektohan ang ila palangabuhian. Pero sang ulihi nasabat man ini nga problema sang gobyerno nasyonal kag probinsyal./PB
Â
[/av_textblock]
[/av_one_full]