[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panay-Guimaras-Negros bridge, dayon – Roque’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 30, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Madayon ang pagtukod sang isa sa pinakadaku nga mga proyekto sa idalom sang administrasyon ni Presidente Rodrigo Duterte nga amo ang Panay-Guimaras-Negros bridge.
Ini ang hambal ni Presidential Spokesperson Harry Roque sa mga katapo sang media sa Iloilo sadtong Domingo sang hapon.
Sunu kay Roque nga kabahin sang “Build, Build, Build” program ni Duterte ang pagtukod sang taytay nga maga-angut sa isla sang Panay, Guimaras kag Negros Occidental bisan wala pa sila sang timeline kon san-o ini umpisahan.
Apisar man wala pa mahibaluan kon pila ang pundo para sa proyekto, kumpiyansa si Roque nga matapos obra ang taytay antes magpanaog sa puesto si Duterte sa 2023.
Matandaan nga ginhambal sadto ni Senador Franklin Drilon nga posible malab-ot sa P3.5 bilyon ang pundo sa pagtukod sang ginabanta 2.6-kilometros nga taytay halin sa Syudad sang Iloilo padulong sa Guimaras kag wala pa diri nadala ang pakadto sa Negros.
Nagapati man si Roque nga makahatag sang daku nga pag-uswag sa ekonomiya sang tatlo ka mga probinsya ang pagtukod sang taytay kon sa diin mangin madasig na ang transportasyon sang mga produkto.
Sa pihak nga bahin, sa pag-atubang ni Roque sa mga katapo sang media sa Iloilo, nagpangayo ini sang pasaylo nga wala nakaabot si Duterte para magtambong sang Dinagyang Festival 2018 sa pihak sang imbitasyon ni Mayor Jose Espinosa III.
Hambal niya nga gusto gid kontani sang presidente nga magbisita sa Iloilo apang importante nga tambongan sini ang India summit nga nagtakop sang nagligad nga Sabado rason nga sia ang ginpadala para mangin tiglawas sang presidente./PB
[/av_textblock]
[/av_one_full]