[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’STG Dinagyang Festival 2018 ginpasalamatan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 30, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Daku ang pasalamat sang Iloilo City Police Office (ICPO) nga nangin madinalag-on ang selebrasyon sang ika-50 ka tuig sang Dinagyang Festival sining syudad.
Ina bangod nalab-ot sang Police Regional Office 6 ang target nga zero major incident tion sang Dinagyang Festival kag nagnubo man ang crime volume humalin sang Enero 26 tubtob 28 kon sa diin masobra 100 lang ang narekord nga insidente.
Sunu kay Senior Inspector Shella Mae Sangrines, tagpamaba sang ICPO, sa Final Critique kag Awarding Ceremony sang Special Task Group (STG) Dinagyang Festival 2018 sa Iloilo Freedom Grandstand kahapon sang aga, nabatyagan nila nga nagdugang ang pagsalig sang publiko sa mga pulis kasunod sang ila madinalag-on nga pagbantay sa Dinagyang Festival.
Gani masadya ang ICPO nga nagbunga ang ila pagpulaw-pulaw kag paghimakas para masiguro nga wala sang dalagku nga krimen nga natabu nga posible makasablag sa selebrasyon.
“Every night nagkakaroon ng critique session just to review kon mayroon kailangan i-adjust sa security operation because we are looking for an excellent coverage kagaya ng pag-secure natin nang ASEAN at APEC,” siling ni Sangrines.
Matandaan nga 4,700 ka mga pulis kag force multipliers ang ginapalapta sa mga dalanon umpisa sadtong Lunes para sa public safety, emergency kag security operations kadungan sang Dinagyang Festival.
Kag para mapasalamatan naman ang mga pulis nga nagbulig para mangin madinalag-on ang Dinagyang Festival, nagtipon sila kahapon para sa boodle fight nga ginpangunahan nanday Chief Supt. Cesar Hawthorne Binag kag Mayor Jose Espinosa III./PB
[/av_textblock]
[/av_one_full]