[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Naglabaw ang pulitika kontra sa kabalaka
Madamo sang nanugon sa kahugod, kapisan, may kabalaka, kag puno sang pagpalangga nga pagserbisyo ni DSWD Secretary Judy Taguiwalo.
Apisar nga ginalauman na ang indi pagkumpirmar sang iya appointment bilang tiglikom bangod sa malangsa nga pulitika kag mga pulitiko nga wala nanamian sa iya tadlong nga pagpalakat sa iya ahensya.
Nasaksihan sang mga pumuluyo kon katutom kag kahugod sa iya pagserbisyo si Manay Judy kag nabatyagan ang iya pag-ulikid sa mga pumuluyo, nagalakat nga nagatiil pasulod sa mga hayub-hayob sang mga ordinaryo nga pumuluyo, ginapamangkot niya ang ila matuod nga kahimtangan agud nga mahatag niya ang angay nga bulig para sa ila.
Nangin simbolo si Taguiwalo sang isa ka iloy nga nagaatipan sa iya mga anak, kahibalo maghatag sang habol sa mga natugnawan, kahibalo magbatyag sa mga nagakasubo kag kahibalo magpamati sa nagaraguok nga tiyan sang mga pumuluyo.
Apang sa pihak sang iya ginapanghimu, wala gid nasaboran sang mga salimpapaw nga pulitiko kag mga ipokrito nga mga katapo sang Commission on Appointments ang iya sakrispiyo.
Wala man nila ginpaathag sa pumuluyo kon ngaa indi sila luyag nga magpangalagad si Taguiwalo sa iya departamento.
Kon aton nga tul-iron, posible indi nila luyag si Taguiwalo bangod nga sadto pa man nagmando na ini sa iya nasakopan nga indi pagkilalahon ang referral system sang mga pulitiko kag dapat direkta na sa ila opisina ang mga pumuluyo nga nagapangayo sang ila nga bulig.
Luyag sang mga pulitiko nga magayaub sa ila ang mga nasakopan, kon luyag nila nga buligan dapat kilalahon nila ang pulitiko nga nagabulig sa ila. Ginagamit sang mga pulitiko ang bulig nga ginahatag sang DSWD agud nga kilalahon sila nga mabinuligon kag makabig nga may kabalaslan sa ila ang mga tawo.
Ini nga bagay ang wala nagustuhan ni Taguiwalo rason nga iya ginbag-o paagi sa pagpapanaog sang memorandum nga indi na kinahanglan ang pirma sang pulitiko sa referral agud nga mabuligan ang mga pigado.
Isa pa ka rason, posible nga ang balatyagon kag paminsaron ni Taguiwalo yara sa grupo sang makawala kag kon ano ang ila nakita kag nabatyagan batok sa iya ang posible indi na likom sa tanan.
Bisan pa nga indi makumpirmar si Taguiwalo apang napagkit na sa balatyagon kag paminsaron sang pumuluyo kon ano nga sahi sang serbisyo ang iya gintan-ay. Magabiya sia nga wala sang mantsa kag wala sang tap-ing ang iya guya.
Matuod nga indi makasalbar ang indi pulitiko sa kalibutan sang pulitika. Bisan ano pa ka tinlu, bisan ano pa ka tadlong, bisan ano pa nga pag-ulikid ang imo ihatag nga serbisyo, indi ina makilala kag madumdoman sang mga mahikaw, mga mahuyang, mga ipokrito kag mga wala sang kabalaka nga mga pulitiko.
Kabay nga may magabulos nga kaangay sa iya ang panindugan nga bisan indi sa gihapon pag-ikumpirmar apang may mapamatud-an sa tanan nga ang pag-ulikid sa pumuluyo ang dapat nga pasulabihon.
Maiwat magpangita sang bulawan sa dalan, lunsay laya nga dahon kag yab-ok ang masalapuan.
Naglabaw ang pulitika kontra sa kabalaka./PB
[/av_textblock]
[/av_one_full]
