[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI ROBERTO ‘BERT’ LADERA
[/av_heading]
[av_textblock size=” font_color=” color=”]
MAKATULUBLAG NGA KAANYAG
Manami lantawon ang nagapadayon nga pag-uswag sang syudad sang Iloilo. Bisan diin lang may ginahimo nga mga proyekto nga makapatin-ad sa syudad. Mga proyekto nga ang katuyuan amo nga mas mahatagan sang dugang nga kaanyag ang syudad sang Iloilo.
Apang sa mata sang mga nagaamlig sa palibot, madamo sang mga hilikuton nga nagabutang sa alang-alang sang aton duna nga manggad. Kaangay sa ila namutikan amo ang pagtampok sang duta sa panghigaron sang Iloilo River nga mahimo makapatay sa mga katunggan nga nagakabuhi.
Nagsugod ang pagtampok sang duta sadtong Abril 19 kag mismo ang Department of Public Works and Highways (DPWH) ang nagalantaw sang ila pagtampok.
Ang pagtampok sang duta ang para sa pagatukuron nga Esplanade 4 nga gikan sa taytay sang Sen. Benigno S. Aquino Jr Avenue tubtub sa taytay sang Jalandoni kag ang sugpon sini tubtub sa Forbes Bridge amo naman ang Esplanade 6.
Nagpahayag sang kabalaka si Department of Environment and Natural Resources 6 Regional Director Jim Sampulna nga ang proyekto makasablag sa pagsulod sang tubig-dagat sa nahamtangan sang katunggan.
Makapugong sa pagsul-ob sang tubig-dagat sa ginahamtangan sang katunggan ang tuman ka taas nga tampok sang duta nga himuon nga Esplanade.
Nahibaluan nga ang Iloilo River nagalaba sang kapin sa 15 ka kilometro kag ginapuy-an sang halos 22 ka sahi sang mangrove kag magkalamatay sila kon indi mahimuan sang paagi kon paano mapasulod ang tubig-dagat sa ila nahamtangan.
Dapat gin-amat-amat lang sang DPWH ang pagpatampok sang duta bangud may mahalitan nga katungaan sa palibot. Indi ini kaangay sa pagtampok sang duta agud nga maghimo sang karsada sa patag kon sa diin mansig tumpok lang kag butangan sang signage nga “government project, do not delay.”
Indi ayhan magdoble ang ila obra kon una nila nga tampukan kag sunod diri ila naman nga kutkutan agud nga makapahamtang sang alagyan sang tubig-dagat?
Kuntani naggamit man sang sintido-komon ang kontraktor kon paano mapatuman ang proyekto nga wala sang may mahalitan.
Mahapos lang maghambal nga sa tagsa ka isa ka puno nga mahalitan, isa ka gatos ang iuli paagi sa pagtanum. Mahapos ang magtanum, apang mabudlay na nga ibalik ang naglabay nga panahon. Madugay pa ang pagdaku sina kag madamo sang nagakabuhi dira nga isda ang mahalitan.
Sintido-komon lang kuntani sa DPWH, indi lang katunggan ang mapatay kundi lakip na ang pila ka libo ka isda kag ila mga semilya nga yara dira nagakabuhi ang mawad-an sang pasilungan kag lugar nga pagatiniran.
Samtang, may higayon pa nga masapar ang sitwasyon, butangan na sang guab ang tumpok sang duta agud nga may malutsan ang tubig-dagat.
Nakahibalo bala ang kontraktor kag DPWH nga nagabatyag sang stress ang tanum kag sapat sa hinali nga pagbag-o sang ila palibot?
Kon may nahimo nga konsultasyon sa iban nga ahensya, natalakay man bala kon ano ang mangin sitwasyon sang mga nagakabuhi sa katunggan?
Masarangan man nila ayhan nga maglantaw sa manami nga lalantawon apang wala sang kalan-on?
Indi mapadayaw ang kaanyag nga may mga kabuhi nga nalangkag.
Dapat ipaiway ang makatulublag nga kaanyag./PB
[/av_textblock]
[/av_one_full]
