[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ROBERTO ‘BERT’ LADERA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
DALAN SANG KAMATAYAN
Samtang nagasangkad ang mga dalan, mas nagadasig ang mga salakyan, mas peligroso para sa tanan.
Naandan na sang mga motorista ang maglabay sa coastal road sa handum nga makalikaw sa tuman ka gutok nga trapiko sa mga mayor nga dalanon sang syudad. Nagaigod kag tuman ka daku sang oras nga ila mauyang rason nga ila ginapili nga magtaris sa mga bag-o nga dalan.
Manami man lantawon ang mga bag-o nga dalan ilabi na ang coastal road, masangkad, kag wala sang batsi bangod bag-o pa lamang.
Apang kon aton ipokus ang aton mata sa coastal road gikan sa La Paz padulong sa Dumangas, makita naton nga madamo na sang mga bodega kag mga yarda sang mga container van nga nagatumpok kag sa masami nagagwa kag nagasulod sa ila tagsa ka yarda ang mga dalagku nga trak nga nagaguyod sang mga container van.
Madamo sa sini nga mga salakyan ang nagaparking lang sa kilid sang dalan kag ang apat ka linya nahimu na lang kon kaisa nga duha ka linya sang karsada.
Tuman man ka dulom kon gab-i bangod nga gindalukan sang kasanag ang nasambit nga dalan.
Madamo sang nagabiyahe kon gab-i ilabi na ang mga salakyan nga nagahingagaw sa iskedyul sang roro sa Dumangas.
Magluwas sa mga dalagku nga salakyan, nagataris man ang mga magagmay nga awto, mga motorsiklo kag mga traysikol. Makita nga nagapaindis-indis ang mga dalagku kag gamay nga salakyan sa malapad nga dalan.
Masami man nga nagaluntad ang aksidente. Pila na ang napatay sang hinali kag sa wala ginalauman. Bangod sa indi husto nga pagparking sang mga salakyan nga nagasablag sa hilway nga panan-awan sang mga nagamaneho sang salakyan.
Tion na nga balikdon sang gobyerno kag sang mga natungdan nga ahensya ang pagpatuma sang patakaran sa mga dalanon ilabi na sa coastal road.
Dapat talupangdon ang pagpahamtang sang mga poste nga magahatag sang kasanag sa mga nagabiyahe ilabi na nga may bahin nga takladon, dulhugon, kag kurbadahon.
May mga istruktura man nga nagasablag sa panan-awan sang mga nagamaneho ilabi na nga may bahin man sa mga barangay nga tuman ka damo sang tawo nga nagatabok sa dalan.
Samtang nagapabilin nga nagapabulag-bulag ang mga ahensya sang gobyerno, madamo sang mga kalag ang mahamulag sa ila pisikal nga lawas.
Dapat nga mangin maid-id sa pagpatuman sang kasuguan kag dapat may nagabantay sa sini nga bahin sang dalan.
Matuod nga sadto wala man sang masyado nga problema sa sini nga dalan, apang bangid sa paglipas sang panahon, nagligwat na ang sitwasyon kag nangin masaku ang dalan bangod madamo na ang nagalabay rason nga dapat maglagas ang gobyerno sa kadasigon sang panahon kag updan sang mga patakaran nga angay sa tawag sang sitwasyon.
Pila pa ka aksidente ang aton isipon antes naton aktuhan ukon hatagan sang pagtamod ang coastal road?
Tubtob san-o naton isalig sa iwag sang bulan agud nga magsanag ang dalan?
Dapat na nga aktohan sang mga natungdan nga ahensya sang gobyerno agud indi mangin dalan sang kamatayan./PB
[/av_textblock]
[/av_one_full]
