[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NAGDAYAW SA NAGAPAMUYAYAW
Nagakurisong sila samtang nagapamati, nagabatyag sang kahuya sa tagsa ka nagakawas nga tinaga. Naakig sila sa nagapamuyayaw nga presidente sang Pilipinas.
Nabansagan sa bug-os nga Pilipinas nga nagapamuyayaw, halos sa tagsa sini ka pamulong-pulong may yara gid sang tinaga nga nagaragumo, nagahanot kag tuman ka talom sa dulunggan.
Nakilala man sia sa bug-os nga kalibutan bangod sa iya pagbuyayaw sa Santo Papa, sa kay anay US President Barack Obama, kag sa mga sensitibo nga hitabu sadto nga iya mga nabungat nga nagpalukmat sa mga Hudyo kag mga Aleman.
Ginpakilala niya ang iya kaugalingon sa sini nga sahi sang pagpamulong-pulong. Nagmadinalag-on sia sa iya gingamit nga istratehiya. Sa tagsa niya ka pamulong-pulong ginapamatian sang kadamuan, nagahulat sa kon ano ang iya ibungat, naga-angan-angan sa kon kay sin-o ngalan ang iya nga mamitlangan, nagabantay ang tanan kon ano ang iya mahimu nga ipalayag.
Sa sini nga paagi, nagabilin kita sang espasyo sa aton kaugalingon agud nga hatagan sia sang higayon nga iya mapun-an, akig man kita sa iya ukon indi, kita ang nalamon na sang iya istratehiya, apektado kita sa kon ano ang ihambal niya, kag nagahatag kita sang tinion nga magpamati sa kon ano ang iya ibungat.
Nagpakita sia sang kaisog, pinasahi nga liderato, kag may kabalaka sa iya banwa. Ginsaksihan sang tanan kon paano napapas ang mga terorista kag kon paano sia naggamit sang gahum.
Madamo sia sang padugi nga indi mahangpan sang kadamuan, ginapakamalaut, ginapasibangdan nga may tuhay nga motibo, apang sa punta sang sugilanon, sia ang madinalag-on.
Ginhatag niya sa PDEA ang pagtutok sa ilegal nga droga agud nga makapokus ang kapulisan sa ila pagpreparar para sa ASEAN Summit nga gintambongan sang mga gamhanan nga lideres sang kalibutan.
Ginhungod niya nga pabiyaon sang makadali ang mga pulis agud nga masiguro ang ila trabaho nga luwas ang mga bisita. Natapos ang ASEAN Summit nga wala sang huol sa seguridad.
Gingamitan sang lubos nga puersa ang mga terorista sa Marawi City agud ipakita nga makasarang ang Pilipinas sa pag-away sa terorismo kag handa nga magpakigbatu agud nga mahilway ang pumuluyo gikan sa peligro sang mga terorista.
Ginharog niya ang mga Bombay nga nagapautang kag sila ang natay-og sadto sa plano sang gobyerno. Ang resulta, nagtambong sa ASEAN Summit si Indian Prime Minister Narendra Modi sa Pilipinas kag natigayon ini makalipas ang 36 ka tuig.
Bangud sa diskarte ni Presidente Rodrigo Duterte, sa iya ginpakita nga pinasahi nga liderato, naganyat ang mga gamhanan nga lideres nga magpalapit sa iya kag magtan-ay sang ayuda.
Nagbug-at ang paglantaw nila sa Pilipinas, isa ka pungsod nga dapat halongan, amligan, kag indi dapat nga awayon ukon simo-simuon.
Nagpaindis-indis sila sa pagtan-ay sang ila mabulig, sa pagduso nga may mahuman nga mga proyekto, kag ang pagpahamtang diri sang ila mga negosyo.
Maayo lamang kay nagpamuyayaw ang presidente, ila nabalikdan kon sin-o ang nagapamuyayaw, nakalab-ot sa ila ang mensahe kag nakita nila ang diskarte sini.
Nagpamati ang kalibutan sa iya, sila ang nagdayaw sa nagapamuyayaw./PB
[/av_textblock]
[/av_one_full]
