[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Roberto ‘Bert’ Ladera
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
TRAIN
Nagdihon sang sitwasyon sa paminsaron nga wala sang mabakud nga salandigan, wala sang basehan, apang madamo sang maapektohan.
Madamo sang nagahimu sini sa karon, ini ang ispekulasyon. Wala pa napatuman ang bag-o nga patakaran sa pagbuhis, apang may yara na sang negosyante nga mga wang-is nga nag-una pasaka sa presyo sang ila baligya, mas nauna sila nga nakaagom sang ginansya kag mas una sila nga nagpamentaha.
Ginsapol na sang Department of Energy ang mga kompaniya sang langis agud nga hibaluon ang ila imbentaryo bangod nga indi sila dapat magpasaka sang presyo sa daan nila nga mga produkto kag ang maapektohan lang sang excise tax amo ang mga bag-o nga produkto nga nakasulod sa bag-o nga imbentaryo sa sini nga pagsulod sang bag-ong tuig.
May mga nagabaligya man sang softdrinks nga nagpasaka na sang presyo apisar nga wala pa naka-epekto ang bag-o nga patakaran sa buhis sang gobyerno.
Imbes nga magbulig sa isig-kapareho nila nga magpaathag kag mapabatyag ang maayo nga epekto sang katuyoan sang gobyerno, mas nauna pa sila sa pagpalapnag sang negatibo nga panan-awan nga ila ginsakyan kag ila ginpamentahaan.
Ginpahayag sang Department of Finance nga ila liwat nga gindesinyo ang tax system naton agud nga mangin simple, mangin patas kag mangin mas episyente para sa tanan, samtang nagapadaku sang aton resources nga kinahanglanon sa pag-invest sa aton mga imprastruktura kag sa mga pumuluyo. Katuyoan sini nga pamag-anon ang ginaabaga nga buhis sang mga pigado kag sang mga yara sa middle class.
Katuyoan sang Tax Reform for Acceleration and Inclusion ukon TRAIN nga una nga package sang comprehensive tax reform program nga matadlong ang pila ka mga kakulangan sa tax system agud nga mangin mas simple, mas patas kag mas episyente.
Solbaron sang TRAIN ang kahuyang sang karon nga tax system paagi sa pagpanubo kag pagpasimple sa personal income taxes, pagpasimple sa estate kag donor’s taxes, pagpasanyog sa value-added tax ukon VAT base, pag-adjust sa oil kag automobile excise taxes kag pagsukot sang excise tax sa mga sugar-sweetened beverages.
Ang tax reform mahimu nga makapondo sa investments sa edukasyon agud maagom ang 100 percent nga enrollment kag completion rates, nakapasad sang 113,553 ka dugang nga mga classrooms, kag maka-hire sang 181,980 ka dugang nga mga manunudlo sa tunga sang tuig 2017 kag 2020.
Katuyoan man sini nga ma-upgrade ang 704 ka local hospitals kag makapasad sang 25 ka local hospitals, maagom ang 100 percent PhilHealth coverage sa mas mataas nga kalidad sang serbisyo, ma-upgrade ukon masaylo ang 263 ka rural kag urban health units agud nga mangin disaster-resilient facilities.
Ginalauman man nga makapatindog sang 15,988 ka bag-o nga mga barangay health stations, makatukod sang 2,424 ka bag-o nga mga rural health units kag urban health centers sa tunga sang tuig 2017 kag 2022 kag maka-hire sang dugang nga 2,424 ka mga doktor; 29,466 ka mga nars; 1,114 ka mga dentista; 3,288 ka pharmacists; 2,5682 ka mga medical technologists; 911 ka public health associates kag 2,497 ka UHC implementers.
Indi kita makalab-ot sa padulongan kon indi naton pagtugotan nga ang TRAIN makadalagan./PB
[/av_textblock]
[/av_one_full]
