[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | MAKALAM KAG MAKATALAGAM’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=’custom’ color=”]
Friday, April 28, 2017
[/av_textblock]
[av_textblock size=” font_color=” color=”]
nobela nga nasulat sadto pa nga nagapanumbalik sa moderno nga panahon sang aton liwat nabatian ang Tagalog nga pulong nga nagasiling “Pag-ibig, ‘pag nasok sa puso nino man, hahamakin ang lahat masunod ka lamang.”
Kaangay sang lalantawon nga nagabalik sa aton paminsaron sang aton nabatian ang balita tuhoy kay Police Superintendent Maria Cristina Nobleza, ang deputy director sang Crime Laboratory sang Davao Regional Office.
Kon nagabasa kita sang balita angot sa iya, kaangay man nga nagabasa kita sang “Florante at Laura” nga una nga nabalhag sadtong 1838 nga ginsulat ni Francisco Baltasar.
Makapaminsar kita nga wala sa kaalam, wala sa propesyon, wala sa estado sang kabuhi kag wala sang manggad ang pagtubo sang gugma sang isa ka tawo sa iya kaangay nga tawo.
Matuod gid man nga gamhanan ang paghigugma nga bisan sin-o ang indi makabalibad sa iya. Nagakahubsan kita sang kusog kon ang gugma masupog. Nagakapanas ang aton husto nga pagtimbang sa mga bagay kon ang gugma ang nagamandu nga dapat tumanon.
Apang, ang tanan nga balatyagon ang nagalabay sa paminsaron. Ang aton nabatyagan ang una naton nga matimbang sa lohiko nga panan-awan. Kon mapag-on ang paminsaron, wala sang balatyagon nga makaguyod sang aton pagahimuon nga desisyon. Nagadepende sa aton kon luyag naton nga lamunon sang aton balatyagon kag isikway naton ang husto nga paminsaron.
Sa natabu kay Nobleza, ginakabig ni PNP Chief Ronald dela Rosa nga nagaulon si Nobleza sa sabak sang kasumpong sang estado. Makabig nga komportable siya sa pagtulog sa siiton nga kama kag nanamitan siya sa ginapakaon sa iya.
Apang, nabulag gid man bala sa gugma si Nobleza kag indi niya makita nga yara siya sa ginahukmungan sang mga dapat niya papason? Mahamuok man ayhan ang iya katulugon sa tagsa ka magkagat ang dulom? Kag gugma gid man bala ang nagduso sa iya agud nga maghulid sa iya kontra?
Nahibaluan nga nadakpan si Nobleza sa Bohol sang damlag lang nga kaupod ang mga terorista gikan sa grupo sang Abu Sayyaf nga kahimbon sang Islamic State in Iraq and Syria ukon ISIS.
Madamo sang mga ebidensya nga magaangot kay Nobleza sa iya kaantanan sa sini nga grupo kag ang PNP nga iya organisasyon, kon sa diin siya kabahin, ang magapasaka sang nga kaso kriminal kag administratibo nga mangin tunaan sang pagka-kakas niya sa serbisyo.
Natumod pa gid ang iya romantiko nga kaangtanan kay Reenor Lou Dongon, alyas Kudre, nga isa ka suspected ASG bomb-maker kag himata sang napatay nga tagpasad sang grupo nga si Abdurajak Abubakar Janjalani.
Matuod ayhan nga matam-is ang hilu? Ukon pamatuod man ini sang panugyan nga higugmaon naton ang aton kaaway?
Nalipat lang ayhan si Nobleza sa iya natun-an nga ang epektibo nga pamaagi sang kasumpong amo nga siya ang hayluhon kag sa daginot nga paagi siya ang anuron sa lawod sang paghigugma?
Sa masami, may kaayuhan kag kalainan nga madulot ang isa ka butang sa sin-o man. Kag kaangay sang tanan nga butang, ang gugma makalam kag makatalagam./PB
[/av_textblock]
[/av_one_full]
