[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Martes, Agusto 1, 2017
[/av_textblock]
[av_textblock size=” font_color=” color=”]
Amligi gid ang kabataan
batok sa mga pedophile
ANG pedophilia, ukon ang indi normal nga pagka-ibug sang may edad na sa mga tam-an ka linghod nga mga kabataan, lalaki man ukon babaye, nga masami gapang-edaron 11 tubtub 14 anyos, ang pirme na naton mabatian sa mga balita diri sa aton kag bisan sa iban nga pungsod.
Ang masakit pa kay madamo sa sining mga kaso ang gina-atubang sa karon sang mga pari sang Simbahan Katolika. Of course, ang ini nga krimen indi lang exclusibo sa Simbahan Katolika, kay nagakatabo man ini sa mga relihiyoso sang iban nga relihiyon.
Sunu sa isa ka pagtuon sadtong 2004 (source: Wikipedia) sang Jon Jay College of Criminal Justice para sa United States Conference of Catholic Bishops, 4,392 ka pari nga nagalakip sang isa ka Cardinal, sang Simbahan Katolika ang nakabaton sang reklamo halin sa 10,667 ka mga indibidwal sadtong 1950 tubtub 2002.
Mga apat ini ka porsyento sang mga 110,000 ka mga relihiyoso sang Simbahan Katolika nga ginreklamo kontra “child abuse and violence.”
In fact, sadtong Mayo 13, 2017, si Pope Francis mismo nagkilala nga ang Vatican, ang pamunuan sang Simbahan Katolika sa Roma, may backlog sang mga 2,000 sining mga akusasyon sa sex abuse.
Ang pinaka-ulihi nga posible kaso man sang pedophilia amo ang iya sang pari (parish priest) sang Simbahan Katoliko sa Marikina. Ang iya biktima isa ka 13 anyos nga batang babaye, isa ka minor (kulang sa 18 anyos ang edad) nga may especial nga proteksyon sang aton kasuguan, particular ang RA 9344, ukon ang Juvenile Justice and Welfare Act of 2006, kag sang RA 9208, ukon ang Anti-Trafficking Law of 2003.
Ang Anti-Trafficking Law nagapatuman sang penalidad nga “life imprisonment” kag 2 ka milyon ka pesos bilang “fine” sa bisan kay sin-o nga magpatigayon sang prostitution ukon ano man nga klase sang sexual exploitation sa minor man ukon sa husto na ang edad.
Ang ini nga pari sa Marikina nadakpan samtang gina-upod sa pagpanaog sa salakyan ang 13 anyos nga bata pasulod sa motel sa diin gin-alegar nga may kontrata siya agud makig-hilawas sa bata sadtong nagligad nga semana pagkatapos nag-report ang iloy sang bata parti sa transaksyon sa 16 anyos nga bugaw.
Gin-aresto gilayon ang pari. Ginsiling nga nakuha sa iya sang mga pulis ang isa ka cellfone sa diin gin-text ang pag-aregluhanay sa bugaw. Puede siya pasakaan sang kaso sa idalom sang Anti-Trafficking Law kag iban pa angot sa idalom sang Juvenile Justice and Welfare Act.
Ang daku nga pamangkot sa karon kon ngaa nahimo ining krimen sang pari batok sa 13-anyos nga bata, labi na gid tungod isa siya ka ministro sang Diyos.
Kaso gid bala ini sang pedophilia? Ukon huyog lang sa sex nga indi kinahanglan magtutok gid sa pagpakig-sex sa tuman ka linghod nga kabataan?
Sa ulihi nga balita, ang ining pari ga-atubang na sa inquest ukon mas tul-id nga imbestigasyon sang Marikina Police Station.
May mga doktor nga nagapati nga ang pedophilia isa ka balatian sa panghuna-huna nga kasubong sang kleptomia nga isa ka “impulse control disorder.”
Ang kleptomania, sunu sa Mayo Clinic, nagabalik-balik ini nga pagpangawat sang mga butang nga masami indi na man importante, katulad sang ballpen nga malabayan sa pulungkuan sang isa ka klasmit.
Sa pedophilia, indi man kinahanglan mang-rape ang gahimo sini. Sa masami, gina-enganyo niya ining mga linghod nga kabataan, babaye man ukon lalaki depende sa pedophile, tubtub makuha niya ang iya gusto paagi sa pag-intu ukon paghatag sang kwarta.
Ang mga pedophile, sa masami, luyag makig-upod sa mga kabataan nga luyag nila biktimahon.
Sunu sa pila ka doktor, mabudlay bulngon ang kleptomia ukon pedophilia man. Ang segurado gid lang nga mahimo amo nga mapanilagan ang ila panghulag kag ginabuhat agud madakpan sila sa ila ginabuhat.
Sa mga ginikanan, ginapangabay sang mga doktor kag otoridad nga bantayan gid ang ila kabataan batok sa sining mga pedophile nga madamo dira mga turista nga may edad-edad na./PB
[/av_textblock]
[/av_one_full]
