[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Indi ta anay paghusgaran si Cimatu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Saturday, May 13, 2017
[/av_textblock]
[av_textblock size=” font_color=” color=”]
ANG anay hepe sang Armed Forces kag special envoy sa Middle East nga si Heneral Roy Cimatu amo na karon ang bag-o nga Secretary sang DENR.
Ang DENR, ukon ang Department of Environment and Natural Resources, amo ang ahensya sang gobyerno nga gintagaan sang pumuluyo sang obligasyon sa pag-amlig kag pagpasanyug sang aton palibut ukon environment, nga nagalakip sang tanan nga yara sa duta, hangin kag kadagatan.
Ang appointment ni Cimatu ginpirmahan ni Presidente Rodrigo Duterte sadtong Mayo 8, halos isa ka semana lang pagkatapos lubos nga gin-sikway sang Commission on Appointments (CA) ang kumpirmasyon ni anay Secretary Gina Lopez.
Sa iya pagpungko bilang manugdumala sang DENR, si Cimatu na ang ikaduha nga retirado nga hepe sang Armed Forces sa ini nga pwesto. Una na diri si Angelo Reyes, nga gintalana ni anay presidente Gloria Macapagal Arroyo sa amo man nga pwesto.
Naghikug si Reyes tungod sa iskandalo sang “pabaon system,” sa diin ginsiling nga siya nagbaton sang mga P5 milyon sa iya pagretiro luas sa iya pension kag iban pa nga benepisyo.
Si Cimatu nadalahig sa amo man nga iskandalo upod sa iban pa nga mga heneral, apang naluas siya sa sining akusasyon. Isa sang mga nag-pangapin kay Cimatu si Presidente Duterte sadtong bise mayor pa siya sang Davao.
Sa karon gani pila naman ka mga retirado nga AFP chief ang yara sa Duterte administration. Ini sanday Ricardo Visaya sang National Irrigation Administration, National Security Adviser Hermogenes Esperon Jr., Office of the President Undersecretary Emmanuel Bautista, kag Defense Secretary Ricardo David.
Sa pagtalana kay Cimatu sa DENR, ang pamangkot sang madamo sa karon amo kon ano bala ang mahimo sang isa ka Cimatu nga wala sing eksperyensa sa environment kumparar sa isa ka Lopez.
Si Gina Lopez kilala sa ihibalo kag binuhatan sa environment, may kaisug sa pagpatuman sang ginapatihan niya nga husto, kag may himpit nga pagkabalaka sa environment.
May nagapati nga ang DENR, ukon bisan ano pa nga ahensya sang gobyerno, wala naga-kinahanglan sang Sekretaryo nga may lubos sing ihibalo parti sa trabaho sang ahensya. Sa matuod, wala sing tawo ang kahibalo sang tanan, siling pa gid nila.
Ang importante, sunu sa ila, nga ang trabaho iya sang kabug-san – sang tanan nga mga opisyales kag mga tinawo sa diin ang tanan naga-amot sang ila lain-lain nga ihibalo kag ikasangkol agud mapun-an ang kakulangan sang tagsa-tagsa, lakip na ang manugdumala kag iban pa nga mga opisyales.
In other words, ang trabaho iya sang organisasyon nga ginapangunahan sang liderato nga epektibo tungod gina-ugyunan sang tanan sa isa ka demokratiko nga pagdala. Kon si sin-o ang may eksperto sa ila linya nga trabaho, ginatugyanan ini sang nagakabagay nga obligasyon agud pun-an ang kakulangan sang iban, lakip na sang mga opisyales.
Sa amo nga kahimtangan sang pagdumala, sunu sa mga naga-suporta sa pagpamuno ni Cimatu, puede mangin madinalag-on si Cimatu.
Sa mga nagaduha-duha ugaling, wala sila nagapati nga mangin epektibo si Cimatu kon basehan ang ang iya background bilang soldado kag kakulangan sing ihibalo sa environment.
Gapati sila nga si Cimatu, bilang soldado nga nahanas sa prinsipyo nga “obey before you complain,” mangin tawo-tawo lang siya sang mga pulitiko nga kadampig sang mga tag-iya sang mga minahan sa ila lang intereses, luas sa iban nga myembro sang CA nga nahadlok lang sa pamaagi sa pagpatuman sadto ni Lopez.
Tungod sini, sunu pa sa ila, possible isakripisyo ni Cimatu ang kaayuhan sang environment sa interes sining mga pulitiko kag ila kadampig nga mga tag-iya sang minahan.
Indi man kilala si Cimatu sa iya pagkabalaka sa environment kag kulangon gid siya, siling nila, sang “passion (himpit nga kabalaka) for the environment.”
Well, sa masiling man naton, “the taste of the pudding is in the eating.” Tan-awon ta anay ang mahimo ni Cimatu. Basi sala man kita sa aton panghuna-huna sa iya. Wala man seguro sang problema kon sundon lang niya ang kasuguan./PB
[/av_textblock]
[/av_one_full]
