[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Makakulugmat nga kadulom sa dalan’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Thursday, May 11, 2017
[/av_textblock]
[av_textblock size=” font_color=” color=”]
LIGUM dulom ang dalan pasulod diri sa amon, diin ang sobra isa ka dosena ka mga puluy-an, lakip ang amon, nahamtang. Ini nagsugod pa sadtong Miyerkoles, Mayo 3.
Mga 300 metros ini nga lugar namon halin sa mayor nga dalan sa Q. Abeto St., Mandurriao. Ang nagahatag sang iwag sa mga puluy-an diri amo ang Panay Electric Company, samtang ang nagapasiga sang amon makitid nga dalan amo ang barangay.
Ining dalan pasulod sa amon isa ka makitid nga alagyan para sa bisan duha lang ka magagmay nga taksi kon magsugat-anay. Indi man namon mapa-repair sa karon ining dalan tungod ang bag-o nga tag-iya indi magtugot. Amo gani nga wala gid ini makaayo sa sulod na sang madamo na nga tinuig sa desperasyon sang mga may salakyan diri.
Bisan ang mga poste sang PECO temporaryo lang ang pag-angot diri, sunu mismo sa kay Engr. Randy Pastolero, tubtub maka-decidir ang bag-o nga tag-iya kon ano ang iya himuon sa sining iya duta.
Iban ugaling ang nagligad nga tag-iya nga Diaz Family. Gintugutan niya ang ining amon makitid nga dalan kag bisan sa pag-repair sini bisan temporaryo lang.
Sadto mataas ang hilamon diri sa palibut, tubtub naghawan-hawan tungod ginapa-harban sang mga baka, kanding kag karabaw.
Ugaling, bangud sa iya kalabaon kag tungod man malaka ang nagaagi diri, nangin makakulugmat sa mga pumuluyo ang ining dalan namon bisan pa may mga magagmay man ini nga mga suga sang barangay nga naga-angot sa poste sang PECO.
Kis-a, mga a las otso pa lang sa gab-i, isa ka dalaga diri ang gin-attempt rape. Ginguyod halin sa dalan pa-talamnan. Maayo lang kay maisug ang bata, nagbatu kag naka-panginpadlos. May nagalabay man nga bastos, nga naga-posing sa poste kag magpakita sang iya tarugo sa mga dalaga nga nagaagi. May nagapanguhit man buli sang dalaga kag magdalagan.
Tungod sini, salamat kay Kap, ginpabutangan niya ini sang tanod halin sa a las 9 sa gab-i tubtub kaagahon. Kon kis-a may police patrol pa nga nagapasulod-paggwa diri. Gani, naghagan-hagan man ang amon kulba diri.
Ugaling, tungod sa kalabaon sang dalan nga indi mabantayan sa kabug-usan halin sa tanod outpost, sa gihapon gapanginlaman gid ang mga ginikanan diri para sa ila kabataan kon magab-ihan.
Sa malain nga suwerte, sadtong tungang gab-i sang Mayo 3, natumba ang isa ka poste malapit sa mga puluy-an diri.
Salamat kay Engr. Pastolero sang PECO nga nag-aksyon dayon sa pangabay sang mga pumuluyo. Sa sunod lang nga adlaw napatindug dayon ang natumba nga poste.
Ugaling tungod ang kuryente lang ang obligasyon sang PECO, wala na nila pag-mitiran pa nga itakud ang iban nga linya sa poste, nga nagalakip sang linya sang PLDT kag isa pa ka kumpaniya nga nagapatakud man sang linya sang telepono.
Gani, tubtub sa sini nga pagsulat naton (Mayo 10), nagahuray-ad lang ining mga linya sa dalan kag adlaw-adlaw nga ginalapakan sang mga salakyan.
Ang kulba namon sini, labi na gid ang may telepono kag computer diri, amo nga basi sa sige lapak sa sining mga linya magkabulugto ini kag ma-problema kami diri. Ambot kon ngaa wala pa nila ginpang-angot ini?
Ang siste pa kay bisan ang linya sa suga sang barangay wala pa man ma-angot.
Wala bala ginsugiran sang PECO kag sang mga opisyales sang barangay ang PLDT kag ang isa pa ka naga-paangot linya sang telepono diri?
Kon bahin sa linya sang kuryente sang barangay, nag-aksyon man si Kap dayon. Ugaling siling niya may problema pa ang pag-angot sang linya.
Segurado naton nga kon may mahimu si Kap, aksyunan gid niya ini dayon. Pero ngaa wala? Ano ayhan ang nagkalatabo? Ginahibalo ta pa ini subong.
Samtang, gaantos ang mga pumuluyo diri sa sining problema kag ang kadulom sa dalan sa gihapon gahatag sa amon sang kahangawa. Tani, may mahimo man si Mayor Jed sa sining amon problema./PB
[/av_textblock]
[/av_one_full]
