[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Sala nga pagpatuman sang plastic ordinance?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Tuesday, July 4, 2017
[/av_textblock]
[av_textblock size=” font_color=” color=”]
INDI ayhan nagsala lang sa pagpatuman ang City Environment and Natural Resources Office (City ENRO) sang plastic ordinance, ukon, more specifically, ang “Non-Biodegradable Plastic Shopping Bag Regulation Ordinance” sang siyudad sang Iloilo?
Sunu sa balita halin mismo sa City Hall, ang total ban, ukon bug-os na nga pagdumili, sang paggamit sang non-biodegradable (indi madunot) nga plastic bag nga dapat gamiton sang mga tindahan, luas sa pila ka magagmay nga suludlan, nag-epekto na sang Hulyo 1.
Si Mayor Jed Mabilog nagahatag ugaling plaso sang duha ka bulan, ukon tubtob sa Setyembre sa sining tuig, para lubos nga ipatuman ini sang mga tindahan, labi na gid sang mga dalagku nga mga supermarket sa diin ang mga manugbakal masami nagabakal sang madamo nga kinahanglanon.
Ang ining ordinansa, sa aton nahibal-an ugaling, nagapanugyan sa Section 4 nga lubos ini ipatuman “for a period of four (4) years from the effectivity of this ordinance…”
Kay wala ma-specify kon ano kalawig ang “four years,” ang natural nga paghangop sini amo nga ang apat ka tuig may 365 ka adlaw kada tuig sa Gregorian Calendar.
Nahibal-an ta man nga ang ining ordinansa ginpasar sang Sangguniang Panlungsod sadtong Oktubre 8, 2013 kag, kon wala napirmahan ni mayor sa sulod sang 15 ka adlaw, nag-epekto na ini despues pagkatapos, sunu sa Section 11, “after the required posting of the same in at least three conspicuous places in the city (sa masami sa City Hall bulletin board) and its publication in a newspaper of general circulation…”
Sa official record sang SP Secretariat, ang ordinansa gin-publicar sang Panay Bulletin sa iya isyu sadtong Nov. 4-10, 2013.
Kon amo, sa isip sang apat ka tuig, ining ordinansa maga-epekto ini sang lubos sa palaabuton pa nga Nobyembre 10, 2017, kag indi sa Hulyo 1, 2017.
Puede kita paathagan sang City ENRO kag City Legal Office kon ngaa sa Hulyo 1, 2017 gid gin-deklarar sang siyudad nga nag-epekto sang lubos ang ining ordinansa?
Samtang, ang penalidad sa pag-violate sang sining plastic ordinance amo ang masunod:
First Offense – P500 nga fine (multa sa kwarta) kag kumpiskasyon sang non-bodegradable plastic bag.
Second Offense – P700 nga fine, kumpiskasyon sang non-B plastic bag kag suspension sang business permit sa sulod sang isa ka semana.
Third Offense – P1,000 nga fine, kumpiskasyon sang non-B nga plastic bag kag kanselasyon sang business permit.
Sa pihak nga bahin, ang ordinansa nagapahanugot man sang paggamit sang bisan non-biodegradable nga plastic bag nga wala galapaw sa 8 ka pulgada ang sangkad kag 12 ka pulgada ang kalabaon para sa mga kalan-on, langgaw, asin, kalamay, kape, harina, oil soy sauce, ice, ice candy kag kasubong nga mga balaklon.
Ginaganyat man sang ordinansa ang mga manugbakal sa pagdala sang ila reusable (liwat magamit) nga suludlan nga himu sa biodegradable (madunot sa ulihi) nga materyales./PB
[/av_textblock]
[/av_one_full]
