[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Wala katapusan nga problema sa trapiko’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Tuesday, May 16, 2017
[/av_textblock]
[av_textblock size=” font_color=” color=”]
TINUIG na ang pag-antus naton sa problema sa trapiko diri sa siyudad sang Iloilo.
Kon diin ka pa gasaku agud makalab-ut temprano sa eskwelahan, sa imo trabahuan, ukon makigkita sa imo importante nga appointment dira pa nagakamang ang trapiko.
Daw wala na sang peak hour. Sa tanan nga oras gaginutok lang ang salakyan sa mga mayor nga dalanon.
Madamo na nga pagtuon ang ginhimu sang aton gobyerno sa siyudad. Madamo man nga mga eksperto ang gin-konsulta kon paano solbaron ang problema sa trapiko. Pero, daw wala gid sang ka-solbaran.
Ang mga drayber sang dyep, bus kag taksi na-konsulta man gani angot kon ano gid ang maayo. Pero, sa gihapon wala sang natabo nga mahimo pasalamatan naton.
Ang daw wala lang na-konsulta amo ang mga tag-iya sang pribado nga mga salakayan, nga sobra sa pulo ka pilu ang kadamuan sangsa mga PUJ ukon de pasahero nga dyep nga nagasulod-paggwa sang siyudad. Ngaa wala gid kita sang problema sa ila, haw?
Gintilawan man ang pag-ilis sang hepe sang Traffic Management and Traffic Regulation Office, agud mapatawhay ang trapiko, sa pagpati nga ang problema yara sa hepe sang TMTRO.
In fact, pila na ka hepe sang TMTRO ang gin-islan, apang daw wala gihapon igu, tubtub nag-bulos si Eng. Joe Tengco. Wala sang problema ang media sa iya kon kinahanglan ang iya tugda ukon aksyon sa problema. Sobra ini kapisan, amo gani nga nagtulutawhay ang trapiko tungod sa kaabtik niya sa pag-aksyon sa problema. Ugaling, sa iya kapisan, gin-atake sa korason ang pobre. Maayo lang kay wala siya ma-anhing dayon kag nag-retire na gid lang ini.
Ang nagbulos kay Engr. Tengco, sa matuod lang, wala gid maluyagi sang mga pumuluyo tungod daw bungol kuno ini nga daw indi maka-ihi bisan bisan imo pa businahan.
Ang ginbulos naman sa sining ulihi hikay man ang mga pumuluyo sa iya. Daw waay man kuno gana makigbagay sa media. Indi mo man siya kuno malab-ut kon kinahanglan ang iya tugda sa bisan sa pinaka-importante nga mga pangutana. Indi mo man siya kuno makita sa dalan. Gaamlig guro sang iya kutis.
Samtang, sige man ang problema sa mga pasaway nga mga trisikad kag mga tricycle, lakip na ang mga drayber sang dyep. Wala na sing may gataha sang rota ang madamo.
Ang iban wala man sang pagtaha sa loading/unloading, bisan diin lang ga-parking ang iban, may gapangilkil pa, may mga nagasaludar pa sa kay kon sin-o gani daw ginapabay-an lang sa ila violations.
Sang sini lang, naisip ni Mayor Jed nga tagaan quota ang mga traffic aide kag ang mga makalab-ut sa quota may incentive ukon premyo.
Ini nga solusyon nakita kuno ni mayor sa Metro Manila. Sa una nga pagpanilag mismo sang city administrator, nagpisan kuno ang mga traffic aides sa pagpatawhay sang trapiko. Halos wala na sing galigoy. Nagtaas man kuno ang koleksyon sa violations.
Siling ugaling sang iban nga ang mga tagalog lain man iya batasan sa Ilonggo. Kon madala sa premyo ang tagalog, ang Ilonggo basi indi. Basi in the long run kuno, abusaran pa ini sang mga traffic aide naton kag mapisan lang sila sa pagpangurakot.
Sini lang gani, nagreklamo gid ang mga drayber kontra sa sining plano ni mayor kay basi magtutok na gid lang ang mga traffic aide sa ila quota kag mapabay-an pa nila ang ila trabaho, nga bisan ang wala sala maapektuhan pa sa ila pangabuhi sa dalan.
Tungod sining mga reklamo, lakip na sang pila ka media outlet, kinahanglan nga mag-entra na ang Konseho agud mabal-an ta gid kon ining plano ni mayor makapaayo gid man ukon indi sa siyudad.
Sa sini nga sitwasyon, magamit na sang mga konsehal ang ila gahum sa “oversight,” ukon ang ila poder sa pagbantay sang hulag sang ehekutibo para sa kaayuhan sang pumuluyo.
Ti, san-o ta pa umpisahan ang public hearing?/PB
[/av_textblock]
[/av_one_full]
