[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Ano naman nga bansag ang
mabaton sang Iloilo sa SONA?
SANG una shabulized. Subong bedrock.
Sa mga politiko nga kontra sang lokal nga administrasyon, ginasaulog nila ini nga mga malain nga bansag sang President sa Iloilo. Panan-awan nila kalaglagan ini sang incumbent officials kag kadalag-an para sa ila.
Ang mga kritiko sang pamunuan lokal nagasaulog sa tagsa ka mamitlang ang ngalan sang Iloilo sa isyu sang ilegal nga droga. Kaangy lamang nga musika ini sa ila pamatin-an.
Bangud sini makapamangkot ang mga tagaiban nga lugar kun ano, wala na sang nabilin nga pagpalangga ang mga Ilonggo sa Iloilo? Ini nga mga tawo ilisipon lang. Ilispon lang ang mga nagapanumdom sang kalaglagan sang Iloilo sa pungsodnon kag pangkalibutanon nga panan-awan.
Kun si Mayor Jed Patrick Mabilog pa, âexpect the worst.â Ini nagakahulogan nga ginapaabot na sang alkalde nga bisan ano man ang iya paghimakas para sa syudad sang Iloilo, wala sang pagbag-o ang impression sang President. Ang malain pa, base may bag-o naman sya nga bansag nga ihatag sa Iloilo.
Masakit para sa mga Ilonggo nga bisan pa sa pagpanikasaog sang tanan agud matinluan sang ilegal nga droga ang Iloilo, padayun nga mahigko ang panan-awan sang Presidente. Ano bala ang ginahimo sang kapulisan? Sang Philippine Drug Enforcement Agency (PDEA)? Kag sang iban pa nga law enforcement agencies?
Halos adlaw-adlaw may mga operations man ang mga otoridad kontra ilegal nga droga. Pero ngaa kaangay lang nga wala sang ginahimo ang mga otoridad ilabi na ang mga lokal nga lider?
Ang pamangkot, sala bala ang stratehiya sang mga local nga opisyal? Ti, kuntani kaangay sang amay sa puluy-an, ang anak nga mahina ang performance, ginabuligan kag ginaubayan. Ngaa diri sa Pilipinas gusto pa nga gub-on ang isa ka lugar? Sa baylo nga buligan nga makabangon, ngaa nagabulig pa sila sa paglapak kag tum-oy sa tubig nga lunangon?
Ang amay nagaubay sa kabataan, wala nagabuyok sa ila sa kalalat-an. Ang matuod nga amay ginadapit ang kamot sang anak sa tadlong nga banas, indi nga masami akigan apang wala man ginabuligan. Amo man ina ang sitwasyon sang Pilipinas. Kuntani ang lider sang pungsod kaangay man sang amay sa puluy-an nga handa mag-amlig kag magsuporta sa ila palaabuton.
Tani bilang lider, magbulig sya amlig sa imahen sang iya lugar, indi nga sya pa una haboy sang lunang sa nawong sang iya mga sumulunod./PN
[/av_textblock]
[/av_one_full]
