[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Thursday, August 3, 2017
[/av_textblock]
[av_textblock size=” font_color=” color=”]
Matinlo ka? Seryoso?
SERYOSO ka gid man sa ginapanghambal mo?
May balasehan ka bala nga ikaw ang may personal nga ihibalo?
Ini ang palamangkutanon nga nagahari sa akun paminsaron sa viral posts karon sa Facebook nga nagasiling nga diri naman i-assign si Chief Inspector Jovie Espenido, ang hepe sang Ozamis City nga nagpamuno sa kapulisan sa pagsalakay sa mga puluy-an sang mga Parojinog sa amo nga syudad.
Mapaanggid mo bala ang sitwasyon sang Iloilo sa sitwasyon sang Ozamis?
Ang mga Parojinog malawig na nga kilala ang ngalan sa mga dalagko nga krimen kag isyu. Umpisa sa Kuratong Baleleng nga gintukod man sang una sang Armed Forces of the Philippines (AFP) agud makigbato sa mga insurgents nga sang ulihi nangin criminal syndicate group.
Sining karon nga administrasyon, ginmitlang man sila sang President nga mga narco-politicians kag nagahupot sang madamo nga mga armas. Maathag nga tuhay ang ila sitwasyon sa Iloilo.
Masubo diri karon kay ang implikasyon nila kun ngaa luyag sang iban nga ma-assign si Espenido sa Iloilo agud kuno may masunod sa kamatayun sang mga Parojinog. Huo, matuod may mga alkalde nga ginmitlang si President Duterte nga kuno may kahilabtanan sa ilegal nga droga. Pero sa kaibuturan sang imo tagipusoon, nagapati ka bala? Ukon basi inang pagpati mo napun-an sang imo personal nga interes sa posisyon sa local nga pamulitika?
Kun amo man ina ang imo paminsaron kag intension, kinahanglan bala nga mag-insinuate ka sang kakahasan ukon ang ginatawag sa Ingles nga violence? Maglag-ot ka bala sa punto nga ipangamuyo mo ang kamatayun sang isa ka tawo agud malambot ang imo personal nga interes ukon bangud wala ka lang ginhatagan sang pabor sang una?
Naluoy ako sa mga Ilonggo. Wala ako naluoy sa mga politiko. Nalooy ako sa mga Ilonggo bangud sila ang nagaabaga sang malaut nga panan-awan sang iban sa Iloilo. Padayun nga nagatapik kaangay sang badge sa ila abaga ang mga bansag sang President sa Iloilo.
Ti, nalipay ka bala? Nakapanginluwas ka bala? Ilonggo ka man gani, kun ano ang bansag sa Iloilo karga mo man ina sa abaga mo.
Ako nagapati ini tanan politika lang. Kun makabulos ang iban ambot lang. May ara dira buaya nga kun makasinggit daw kaangay sang karnero nga mahagop. Apang ang kadako sang buy-on kag paghabok sang guya, nagamarka ang kwarta sang banwa. (jfranco1975@yahoo.com/PN)
[/av_textblock]
[/av_one_full]
