[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PDEA ‘asset’ dakop sa drug bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Arestado ang lalaki nga nagpakilala asset sang Philippine Drug Enforcement Agency (PDEA) 6 kag iloy sini sa ginkasar nga buy-bust operation sa Lapuz Norte, La Paz diri mga ala-1:30 sang hapon kahapon.
Ginkilala ang mag-iloy nga sanday Noel Andresio, 35, kag Lilia Andresio, 60, nga sunu kay Senior Insp. Rey Sumagaysay, hepe sang La Paz PNP, nabaklan nila ang nauna sang isa ka plastic sachet sang ginapasuni shabu balor P500.
Narekober pa gid sa mag-iloy ang tatlo ka plastic sachets sang gina-alegar shabu, blue nga sling bag, kahon sang antipara, gunting, cellphone, kag drug paraphernalia.
Sunu pa kay Sumagaysay nga nagpakilala si N. Andresio nga asset sang PDEA-6 samtang nagpakilala naman ang iya iloy nga job hire sa Iloilo City Hall.
Hugot man nga ginpanginwala sang mag-iloy ang kahilabtanan nila sa pagduso sang ilegal nga droga sa paghambal nga planted lang ang nakuha sa ila nga ginapahayag shabu.
Sa interbyu naman sang Panay Balita kay regional director Wardley Getalla sang PDEA-6, ginkumpirma sini nga indi nila asset si N. Andresio kag posible nga asset ini sang nagligad nga liderato sa idalom ni Atty. Gil Pabilona.
Sa tion nga mapamatud-an nga nakasala si N. Andresio, sunu kay Getalla nga dapat kasohan ini bisan pa nga nakabulig ini sadto sa PDEA-6.
Sa karon ang mag-iloy priso na sa karsel sang La Paz PNP kag natalana kasohan sang pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
