[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Solterito nasapwan patay sa talamnan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala na sang kabuhi sang nasapwan sa tunga sang talamnan ang 14-anyos nga solterito sa Barangay Tingui-an, Balasan, Iloilo alas-12:50 sang kaagahon kahapon.
Sa inisyal nga imbestigasyon ni Chief Inspector Kenneth Panesa, hepe sang Balasan PNP, nagkadto sa baylehan ang biktima nga si alyas Nonoy upod ang iya mga barkada. Pero hinali sia nga gin-agbayan sang agi nga si alyas Smile kag ginhagad nga magkadto sa maligwin nga lugar.
Gina-alegar ginmolestyahan sang agi ang biktima kag ginpasudlan pa sang matig-a nga bagay ang alatrasan sini.
Nakibot na lang ang barkada sang biktima nga wala na sia sa sulod sang baylehan rason nga ila ginpangita.
Makaligad ang masobra isa ka oras, nakita nila ang biktima nga wala na nagahulag rason nga gindala nila sa Jesus Colmenares District Hospital pero gindeklarar nga dead-on-arrival.
Sandig sa eksaminasyon sa bangkay, posible gindaskan sang matig-a nga bagay ang alatrasan sang biktima rason sang internal hemorrhage nga nagresulta sang iya kamatayon.
May bagras man ini sa liog sensyales nga ginkuga, may lagob sa agtang kag nasamad ang ngipon patimaan nga ginlamposan.
Tubtob ginasulat ining balita padayun pa ang pag-ayam sang Balasan PNP sa suspek./PB
[/av_textblock]
[/av_one_full]
