[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PULIS GINTIRO-PATAY SANG SIKYU’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”][/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Ginbawian sang kabuhi ang pulis nga gintiro sang security guard sang isa ka beach resort sa Barangay Gargato, Hinigaran, Negros Occidental alas-5:10 sa hapon sang Sabado.
Gindeklarar nga dead-on-arrival ni Dr. Jansen Vergara sang Hinigaran Medical Clinic si PO2 Britches Lapus Talapiero, 36, residente sang Stone Heaven Subdivision, Barangay Granada, Syudad sang Bacolod. Miembro ini sang PNP Class “Masikap” nga nadesignar sa Bacolod City Police Office.
Nakaagom sang patal nga samad sa likod ang biktima matapos gintiro sang sikyu nga si Joey De Los Reyes Belenario, 39, kasado, residente sang Sitio Hayang-Hayang, Barangay Anahaw, Hinigaran.
Luwas sa pulis, napilasan naman sa likod si Leslie John Dojillo, 22, residente sang Crossing Anahaw, Sitio Dinandan, Barangay Anahaw, rason nga gindala man sa Hinigaran Medical clinic pero ginsaylo dayon sa isa ka ospital sa Bacolod.
Base sa imbestigasyon ni Chief Inspector Alan Gary Resuma, hepe sang Hinigaran PNP, una nga nagbaisay si Dojillo kag manghod sang pulis nga si Rutchy Talapiero alas-4:40 sang Sabado sang hapon sa sulod sang Canonoy Beach resort.
Natukiban pa nga naka-inom sang makahulobog nga ilimnon si Dojillo sang gintamyaw sini si Rutchy sang “happy new year” sa pamaagi nga maka-insulto.
Bangod nga naka-inom man, naakig si Rutchy rason nga ginsundan sini si Dojillo tubtob nga nagluntad ang komosyon.
Diri na kag nagpangayo sang bulig si Rutchy sa magulang nga pulis kag ila nga ginlagas si Dojillo nga nagdalagan padulong sa grupo sini pero gulpi lang ini nga gintiro sa likod sang pulis.
Matapos sini, nagtuyo sa pagpalagyo ang pulis pero ginlagas ini sang sikyu para nga arestuhon. Sunu pa sa report nga naggabot sang pusil ang pulis rason nga napuersa ang sikyu nga tiruhon ini.
Samtang, gilayon man nga gin-turnover sa Hinigaran PNP sang caretaker sang resort nga nakilala lang kay Estoya ang mga ebidensya kaangay sang Glock 17 .9mm pistol nga may SN: PNP15148 kag may isa ka magazine nga naga-unod sang 12 ka mga bala; isa ka 12-gauge shotgun, ARMSCOR nga may SN:1279992; kag itom nga pistol belt nga naga-unod sang tatlo ka mga bala sang 12-gauge shotgun.
Tubtob ginasulat ining balita, padayun pa ang imbestigasyon sang Hinigaran PNP angut sa insidente. (Balita halin sa Panay News)/PB
[/av_textblock]
[/av_one_full]