[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Treñas ginsuspendir 90 dias sang Sandiganbayan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginpapanaogan sang 90 ka adlaw nga suspensyon sang Sandiganbayan si Cong. Jerry Treñas sang Syudad sang Iloilo bangod sang ginapangatubang nga kaso nga graft nga ginpasaka kontra sa iya angut sa pagtukod sang Iloilo Press Club (IPC) building.
Nag-ugat ang kaso ni Treñas nga pagbayolar sang Republic Act (RA) 3019 ukon Anti-Graft and Corrupt Practices Act sang gin-akusaran sia sang “unwarranted benefits, advantage or preference” bangod sang pag-release sang P500,000 para sa pagtukod sang building sang IPC samtang nagapungko pa sia sadtong bilang alkalde sang syudad.
Ginmandoan naman sang seventh division sang Sandiganbayan si House Speaker Pantaleon Alvarez nga ipatuman ang suspension order ni Treñas.
Sandig sa balita sang Panay News, ginhambal ni Treñas nga respetuhon sini ang desisyon bangod nga kabahin ini sang judicial process.
“It is part of the judicial process, which has to be respected,” siling pa sang kongresista.
“I am coordinating with the House of Representatives for its implementation. I know that, in the end, I will clear myself of these charges,” dugang ni Treñas.
Base sa kaundan sang kaso, nagpirma si Treñas sang memorandum of agreement sa IPC para sa pagtukod sang building sa Barangay San Pedro, Molo.
Ang iya akto sa pag-release sang kwarta sa IPC humalin Disyembre 2003 tubtob Enero 2004 ang gina-alegar nagabayolar sa pagsulondan sang Commission on Audit (COA) matapos nga ang IPC indi non-government organization nga accredited sang syudad.
Ang nasambit naman nga pundo naghalin sa Priority Development Assistance Fund (PDAF) ni Senadora Loren Legarda.
Matandaan nga sadtong Nobyimbre 2017 ginpanginwala sang abogado ni Treñas nga may iregularidad sa pag-release sang pundo para sa pagtukod sang IPC building.
“The PDAF of a congressman or senator may be coursed through the local government. There was nothing wrong with that,” siling ni Atty. JJ Justiniano kag gindugang nga wala ginbayolar ni Treñas ang pagsulondan sang COA./PB
[/av_textblock]
[/av_one_full]