[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Thursday, October 19, 2017
[/av_textblock]
[av_textblock size=’18’ font_color=” color=”]
“ANG bulag nga nagatuytoy sa bulag, pareho sila mahulog sa kalog.”
Ang duha ka adlaw nga nationwide transport strike (pero sa Iloilo wala) nagpilit sa pangulohan nasyonal nga magdeklarar sang suspension sang klase sa pribado kag publiko nga opisina kag wala trabaho sa mga talatapan sang gobyerno.
Sang nagdeklarar nga wala klase kag opisina nationwide mansig pamangkutanay lang ang tanan. Ti, diri sa Iloilo hay? Ti may klase kita hay waay man strike? May strike sa Iloilo?
Ini nga mga palamangkutanon palatandaan nga nagasalangisag ang mga tawo ilabi na ang mga empliyado sa gobyerno kag mga estudyante. Dugangan pa ini nga examination week subong sa mga kolehiyo.
Naglala pa gid ang sitwasyon sang nagsiling ang Malacañang nga balik klase kag opisina sa Oktobre 17, Martes nga adlaw apang sang tungang gab-e na ginbawi nga suspendido naman liwat. Ay nano klase sitwasyon?
Natingala kita ngaa wala nakahibalo ang Malacañang nga wala sang strike sa iban nga mga rehiyon ukon probinsya kag syudad? Kuntani sa ila memorandum nabutang man lang nga indi sakop ang mga lugar nga wala sang transport strike, kundi klaro?
Maathag lang nga wala sang husto nga ihibalo gikan sa ground ang Malacañang. Kaangay lamang nga naka-focus sila sa away kontra droga kag sa gyera sa Marawi City. Ang iban nga problema napabay-an na.
Amo ini ang problema kun ang lider gusto nya magpamuno nga ang mando tanan halin sa iya. Kun sa Ingles pa, “No delegation of responsibilities.” Wala ginatugyan sa ahensya nga natungdan ang responsibilidad nga dapat masarangan nila nga tungdan.
Ang natabu sang nakaligad nga Lunes kag Martes maathag nga palatandaan sang kakulang sang koordinasyon sang ibabaw sa ila tinawo sa ground. Ano wala sila nagakuha report sa pulis, military kag iban pa nga security forces? Ukon bisan sang mga pamunuan local lang paagi sa Department of Interior and Local Government? Ano wala sang salig ang Malacañang sa mga tawo sa idalum?
Tsk! Dapat haganhagan lang ang panglagas sa kontra sang administrasyon kay nagakaubos na ang tion sang gobyerbno dira. Normal lang man na nga may oposisyon. Sang tyempo ni Gloria Arroyo kag PNoy mas grabe man ang oposisyon, daw wala man naga-panic ang administrasyon?
Pero sa tuod lang wala man ya naga-panic si President Duterte ah. Ang naga-panic ang ara sa palibot nya nga madulaan sang papay kun wala na si Digong sa poder.
Si Digong ya bisan ano oras papanaugon mo na sa poder wala na reklamo ang tigulang, man self-fulfilled na ina sya. Nalambot na nya ang gusto nya malambot. Ang problema ang mga buaya sa palibot nya! (jpranco1975@gmail.com/PN)
[/av_textblock]
[/av_one_full]
