[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ ‘Tangke’ sa Carles temporaryo nga ginsirado ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Indi anay subong mabisitahan sang mga turista ang bantog nga “Tangke” sa Barangay Gabi, Carles, Iloilo bangod nga temporaryo ini nga ginsirado.
Kasunod ini sang pag-isyu ni Mayor Siegfredo A. Betita sang executive order 21 sadtong Hulyo 26 nga nagamando nga temporaryo nga siraduhon ang Tangke sa Carles para mahatagan sang ligwa ang patigayunon nga pagsekyar sa dunang-manggad.
Gusto sang alkalde nga maprotehiran ang pinakabantog nga tourist spot sa ila banwa rason nga naghimu ini sang tikang para mausisa ang estado sang tangke.
Isa man ini ka pamaagi sang alkalde nga maprotehiran ang mga turista nga nagabisita sa lugar sa pagwaswas sang habagat.
Wala pa man mabal-an kon san-o liwat mabuksan ang Tangke pero posible nga magalab-ot ang pagsirado sa Septyimbre.
Pero indi man ini ang labing una nga pagsirado sang Tangke bangod nga sadtong 2016 ginsirado man ini para mahatagan sang ligwa ang pagtinlu kag pagsekyar.
Nahibaluan nga ang Tangke ginapalibutan sang ma-alat nga tubig-dagat nga may kalaparon nga masobra 1,000 square meters kag dalagku nga mga bato./PB
[/av_textblock]
[/av_one_full]
