[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’TRAK GIN-ARADO ANG DYEP, MOTOR KAG TRAYSIKOL’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=’custom’ color=”]
Miyerkoles, Marso 22, 2017
[/av_textblock]
[av_image src=’http://www.panaynews.net/wp-content/uploads/2017/03/front-pic-1.jpg’ attachment=’100700′ attachment_size=’full’ align=’center’ styling=” hover=” link=” target=” caption=’yes’ font_size=’14’ appearance=’on-hover’ overlay_opacity=’0.4′ overlay_color=’#000000′ overlay_text_color=’#ffffff’ animation=’no-animation’]
DYEP, MOTOR KAG TRAYSIKOL ang gin-arado sining dump truck nga nadulaan sang preno kahapon sang aga sa Barangay Tigbauan Road, Cabatuan, Iloilo pero maswerte nga wala nasamaran ang drayber sang trak. Ang dyep nga ginasakyan sang napatay nga solterito ang ulihi nga nabunggoan sang trak nga nagdiretso dayon sa wala nga bahin sang dalan kag nahulog sa kawayanan. (Mga laragway ni Joselito Villasis)/PB
[/av_image]
[av_textblock size=” font_color=” color=”]
Syudad sang ILOILO – Patay ang solterito samtang 16 naman ka iban pa ang nasamaran matapos nga gin-arado sang nadulaan preno nga dump truck ang motorsiklo, traysikol kag de-pasahero nga dyep sa Barangay Tigbauan Road, Cabatuan, Iloilo alas-7:30 sang aga kahapon.
Gindeklarar nga dead-on-arrival sa Ramon Tabiana Memorial District Hospital sa Cabatuan ang grade 9 student sang Cabatuan National Comprehensive High School nga si Mark Jhon Malfarta, 16, residente sang Brgy. Gines Patag, Cabatuan, bangod sang mga pilas sa hawak kag iban pa nga bahin sang lawas.
Si Malfarta ang nagakabit sa dyep nga may rota nga Iloilo City-Janiuay and vice versa kag ginamaneho ni Acislo Gualin sang Janiuay, Iloilo.
Ang 16 naman nga nasamaran mga pasahero sang dyep, traysikol nga ginamaneho ni Gemar Aguero sang Brgy. Pagotpot, Cabatuan, kag motorsiklo nga ginamaneho ni Johu Sta. Romana sang Brgy. Mabiranan, Calinog. Ginpangdala sila sa ospital matapos nga nakaangkon sang minor nga mga samad sa lawas.
Ining 16 amo sanday:
1. Syjih Sta. Romana sang Mambiranan, Calinog
2. Christian Paolo Janolino sang Gines Patag, Cabatuan
3. Angela Isabel Tiron sang Pagotpot, Cabatuan
4. Danna Arenga, 14, sang Janiuay
5. John Ric Capinig, 13, sang Gines Patag, Cabatuan
6. John Arvie Gualin, 21, sang Mangil, Janiuay
7. Ariel Lego, 15, sang Brgy. Gines Patag, Cabatuan
8. Leomar John Aguero, 15, sang B. Gines Patag, Cabatuan
9. Christian John Tiron, 19, sang Pagotpot, Cabatuan
10. Jecyll Continente, 29, sang Janipaan Este, Cabatuan
11. Merlinda Ramos sang Tigbauan Road, Cabatuan
12. Sanshine Boots Marie Mailla, 31, sang Gines Patag, Cabatuan
13. Atasha Bernadette Sablon, 14, sang Gines Patag, Cabatuan
14. April Joy Vestuir, 15, sang Gines Patag, Cabatuan
15. Sara Jane Compleza sang Gines Patag, Cabatuan, kag
16. Gina Jane Lutero, 17, sang Gines Patag, Cabatuan.
Kalabanan sining mga pasahero ang mga estudyante kag natalana pa sila kontani nga magkuha sang eksaminasyon.
Samtang ginasulat ini nga balita, ginalauman nga masaka pa ang numero sang mga nasamaran matapos nga naga-inabot pa ang mga pasahero sang dyep sa istasyon sang pulis para magreklamo nga nadalahig sila sa aksidente.
Sa interbyu naman sang Panay Balita kay Chief Inspector Engelbert Banquillo, hepe sang Cabatuan Municipal Police Station (MPS), ang dyep, motor, traysikol, kag dump truck nga may plate number CNH 338 nga ginamaneho ni Rafael Palec y Cristota, 46, kasado kag residente sang Brgy. Magbato, Lambunao, Iloilo, ang lunsay naga-usoy sang direksyon halin sa Janiuay padulong sa Cabatuan sang nagluntad ang aksidente.
Sunu kay Banquillo nga samtang nagapadulhog ang trak nga may karga nga balas kag semento sa gubaon nga dalan sa Brgy. Gines Patag, gulpi lang nga nautod ang “ihi-derekta” rason nga nawad-an sang preno ang trak.
Ginapahayag pa nga nagbusina man si Palec sa ginasundan nga tatlo ka mga salakyan apang nadulaan man sang hangin ang iya busina rason nga nasag-iran sini ang motor kag dayon nga nagda-usdos pakadto sa traysikol kag dyep.
Bangod nga nagakabit si Malfarta sa wala nga bahin sang likod sang dyep, una gid ini nga ginsalakay sang trak rason nga nahulog.
Dugang pa ni Banquillo nga gindasok pa sang trak ang dyep sa higad sang dalan kag nagdiretso ang trak sa wala nga bahin sang dalan kag nahulog sa kawayanan. Pero maswerte nga wala nasamaran ang drayber sini.
“Sa initial investigation sang aton investigator, ang drayber sang dump truck dira pa lang sa Brgy. Gines, nadulaan na sia sang preno tungod ang iya “ihi-derekta” nautod, so, pagdulhog ya kay medyo may batsi kay rough road, wala sia preno. So, ang iya ginhimu daw nagbusina pero nadulaan sang hangin ang iya busina. Ang una ya nga nasag-iran ang motor. Naka-notice man gani ang drayber sang motor nga may something sa dump truck that’s why nagpabinit pero nalab-ot gihapon. So, right after nga nabunggoan ang motorsiklo, ang nagasunod nga traysikol naka-notice man nga may something wrong sa dump truck, ginhingagaw ya pabinit pero nalab-ot ang iya traysikol antes nagdiretso naman sa dyep,” eksplikar ni Banquillo.
Natukiban man nga 50 metros gid ang nadalaganan sang trak humalin nga nadulaan sang preno sa dulhugon nga bahin sang Brgy. Gines Patag tubtob nga nakalab-ot sa Tigbauan Road.
Matapos ang aksidente, nagsungka man ang drayber sang trak sa mga pulis.
Sandid naman sa alegasyon sang drayber sang dyep nga nagtuyo pa sia kontani nga magpahigad apang ulihi na ang tanan.
“Gulpi lang nagrugosros, paglantaw ko sa side mirror kita ko trak, hingagaw ko wakli sa binit eh, nagpreno ako ti amo, way ron, nagbunggo na,” hambal pa ni Gualin.
Sa subong, si Palec nagakitkit na sang malamig nga rehas sang Cabatuan MPS kag natalana kasohan sang reckless imprudence resulting to homicide, multiple physical injuries and damaged to properties./PB
[/av_textblock]
[/av_one_full]
